မိၣ်ပှၤတ၀ၢခိၣ်နၢ် အိၣ်ဒီးတၢ်ရဲၣ်တၢ်ကျဲၤလၢကသူၣ်ထီၣ် တၢ်ကူစါယါဘျါ၀ဲၤလီၢ် လၢသးစၢ်စွဲကသံၣ်မူၤဘှီးအဂီၢ် လၢယ့ကီၢ်ဆၣ်, မိၣ်ကီၢ်စဲၢ်, အဂ့ၢ်
မိၣ်တၢ်ကစီၣ်သန့စံး၀ဲလီၤ.

မိၣ်ကီၢ်သီပၣ်တံၣ် မၤဘူၣ်လီၤဟီၣ်ခိၣ် ၃ အ့ခၢၣ်လၢတၢ်ကသူၣ်ထီၣ် တၢ်ကွၢ်ထွဲ၀ဲၤလီၢ်အဂီၢ်လီၤ. ကမံးတံာ်ကရၢဖိ သူ၀ဲဘူလ်ဒိၤ စၤ လၢကစးထီၣ်ထဲၣ်
ပျီဟီၣ်ခိၣ်, ဒီးစးထီၣ်တၢ်မၤလၢအပာ်လီၤထံပိာ်ကျိၤလံလီၤ. အ၀ဲသ့ၣ်စံး, အ၀ဲသ့ၣ်မုၢ်လၢ်ကမၤ၀ံၤတၢ် သူၣ်ထီၣ် လၢအဆိအချ့လီၤ.

ပှၤကညီ ၄၅ ဂၤကမံးတံာ် လၢအပၣ်ဃုာ်မိၣ်ကီၢ်သီပၣ်တံၣ်ကရၢဖိ ၁၅ ဂၤ, မိၣ်သီခါ ၁၅ ပါ, ဒီးဟီၣ်က၀ီၤပှၤတ၀ၢ ၁၅ ဂၤ, က ကွၢ်အူတရံး
၀ဲ၀ဲၤလီၢ် ဒ်အမ့ၢ်နံၣ်လါယံာ်တၢ်တိာ်ကျိၤအသိးလီၤ.

"ပသူၣ်ထီၣ်တၢ်သူၣ်ထီၣ်၀ံၤ, ပကကွၢ်ထွဲ တၢ်ကူစါပှၤစွဲကသံၣ်မူၤဘှီးဖဲအံၤ ကလီကလီလီၤ. ဖဲအ၀ဲသ့ၣ်အိၣ်ဆူၣ်ထီၣ်အခါ, ပက ဟ့ၣ်အ၀ဲသ့ၣ်တၢ်
သ့ၣ်ညါနၢ်ပၢၢ်ဒၣ်လဲာ်လီၤ." နဲၤတ့ၤၡ့ၤ လၢအမ့ၢ်မၤတၢ်ကမံးတံာ် ခိၣ်တဂၤစံး၀ဲလီၤ.

"မ့ၢ်တၢ်တိာ်ကျဲၤနံၣ်ယံာ်လါထၢတခါလီၤ. ပစ့တအိၣ်လၢလီၢ်ဘၣ်, ဘၣ်ဆၣ် ပကဆဲးမၤတၢ်လၢတၢ်တိာ်ကျဲၤ၀ဲအံၤလီၤ. ပကဒိး သန့ၤထီၣ်သးလၢ
တၢ်မၤဘူၣ်လၢ မိၣ်ပှၤတ၀ၢလီၤ. မိၣ်ကီၢ်သီပၣ်တံၣ် ကဟ့ၣ်ထီၣ်ကသံၣ်သရၣ် လၢကကွၢ်ထွဲပှၤဆါလီၤ." အ၀ဲ ဒၣ်စံး.

တၢ်တိာ်ကျဲၤလိၣ်ဘၣ်စ့တၢ်မၤစၢၤလၢ ကဟ့ၣ်ပှၤမၤတၢ်ဖိလါလဲ ဒီးကသံၣ်တၢ်လၢာ်ဘူၣ်လၢာ်စ့အဂီၢ်လီၤ. မိၣ်သီခါဒီး ပှၤတ၀ၢ ခိၣ်နၢ်တဖၣ် စံး၀ဲလၢက
ဟံးမူဒါလၢတၢ်လၢာ်ဘူၣ်လၢာ်စ့ၤသ့ၣ်တဖၣ်လီၤ.

"တၢ်တိာ်ကျဲၤဒ်အံၤတဖၣ် ကဘၣ်မ့ၢ်ပဒိၣ်အမူအဒါလီၤ, ဘၣ်ဆၣ်အ၀ဲ သ့ၣ်တမၤ၀ဲဘၣ်. အဃိဒီး, ပကဘၣ်မၤစၢၤ ပဒီပုၢ်၀ဲၢ်က လုာ်ဒူၣ်လီၤ."

ကသံၣ်မူၤဘှီးလၢတဖိးသဲစး, လီၤဆီဒၣ်တၢ် ကသံၣ်ကသ့ၣ် မ့ၢ်တၢ်လီၤ ပျံၤအဒိၣ်အမုၢ်လၢ မိၣ်ကီၢ်စဲၣ်ပှၤတ၀ၢအဂီၢ်, မ့ၢ်လၢပှၤသးစၢ်အကျါ ပှၤ စွဲကသံၣ်
မူၤဘှီး အါထီၣ်အဃိလီၤ. ပှၤစွဲကသံၣ်အဟံၣ်ဖိဃီဖိတဖၣ် တ သ့ၣ်ညါကဘၣ်ဆှၢအပှၤတၢ်အဲၣ်အီၤဆူလဲၣ် လၢကစးထီၣ်တၢ်အိၣ်မူအ သီအဂီၢ်လီၤ.
အဃိသတးဒီး, မိၣ်ခိၣ်နၢ်တဖၣ်တူၢ်ဘၣ်၀ဲလၢ အ၀ဲသ့ၣ်က ဘၣ်မၤတၢ်တမံၤ ဒ်သိးကမၤပူၤဖျဲးပှၤတ၀ၢအဂီၢ်, အဂ့ၢ် ကမံးတံာ်ကရၢ ဖိတဖၣ် စံး၀ဲလီၤ.

"လီၤဆီဒၣ်တၢ် ပှၤသးစၢ်တဖၣ် တၢ်လီၤဘၣ်ယိၣ်အိၣ်လၢကသံၣ်မူၤဘှီး လၢပပှၤတ၀ၢအပူၤလီၤ. အ၀ဲသ့ၣ်မ့ၢ်ခါဆူညါ မိၣ်ခိၣ်နၢ် သ့ၣ်တဖၣ်လီၤ. အဃိဒီး,
ပကဘၣ်မၤစၢၤအ၀ဲသ့ၣ်လီၤ. ပမ့ၢ်တမၤဘၣ်ဒီး, တၢ်ဆါ၀ဲအံၤ ကနးဒိၣ်ထီၣ်လီၤ." နဲၤတ့ၤၡ့ၤ စံး၀ဲ လီၤ.

အ၀ဲဒၣ်စံး, တၢ်ဂ့ၢ်တမံၤလၢတၢ်ဂ့ၢ်ကီအဂီၢ်မ့ၢ်, မိၣ်သးစၢ်တဖၣ် ဖျိထီၣ်လၢဖၠၣ်စိမိၤကၠိဘၣ်ဆၣ် အ၀ဲသ့ၣ်အတၢ်မၤတအိၣ်ဘၣ်. မ့ၢ် လၢထံၣ်၀ဲလၢ ခါဆူညါ
တၢ်မုၢ်လၢ်တအိၣ်ဘၣ်အဃိ, အ၀ဲသ့ၣ်ဃၣ်အသးဆူ တၢ်သူကသံၣ်မူၤဘှီးလီၤ." နဲၤတ့ၤၡ့ၤ စံး၀ဲလီၤ.

၀ဲၤလီၢ်လၢတၢ်သူၣ်ထီၣ်အခဲအံၤ တၢ်ဒ့ၣ်စၢၤယံာ်တစဲးဒီး မိၣ်ကီၢ်ဆၣ်လၢအဂၤ, လၢအမ့ၢ် မူၢ်ဒိၤ, သၤဖၠူၤစယၣ်, ဒီးမီလ်မၠဲၣ်, ဘၣ် ဆၣ်နဲၤတ့ၤၡ့ၤစံး၀ဲ, ပှၤတ၀ၢ
အါဒၣ်တက့ၢ် ဖုးဘၣ်အသးလၢ ကပျဲတၢ်သူၣ်ထီၣ်တၢ်ကူစါပှၤစွဲကသံၣ်မူၤဘှီး၀ဲၤလီၢ် လၢအ၀ဲသ့ၣ် အသိးအကျါလီၤ. အဃိသတးဒီး,
ကမံးတံာ်ကဘၣ်သူၣ်ထီၣ်၀ဲ လၢမိၣ်ကီၢ်သီပၣ်တံၣ်အဟီၣ်က၀ီၤပူၤလီၤ.

နဲၤတ့ၤၡ့ၤစံး၀ဲ, မိၣ်ကီၢ်စဲၣ်ပဒိၣ် တမၤအမူဒါလၢကကွၢ်ထွဲ ပှၤစွဲကသံၣ်မူၤဘှီးသ့ၣ်တဖၣ်ဘၣ်. အ၀ဲဒၣ်စံး၀ဲလၢ မိၣ်ကလုာ်ဒူၣ်အ ဂၤလၢအကယၤ
စွဲကသံၣ်မူၤဘှီး ဒီးလိၣ်ဘၣ်တၢ်ကူစါလီၤ, ဘၣ်ဆၣ် တၢ်လီၢ်လၢကမျၢၢ်အဂီၢ်မ့ၢ် ထဲဒၣ်တၢ်ကူစါအဒၢးဆံးဆံးဖိ တဖျၢၣ် လၢမီၣ်လ်မၠဲၣ်တၢ်ဆါဟံၣ်န့ၣ်လီၤ.

တၢ်ကူစါ၀ဲၤလီၢ်အသီ ကကူစါကလီန့ၢ်တၢ် ဒီးတၢ်ဆီလီၤပာ်လီၤလၢပှၤစွဲကသံၣ်မူၤဘှီးအဂီၢ် လၢအပၣ်ဃုာ်တၢ်အီၣ်တၢ်အီ, ကသံၣ်တၢ်ကူစါ,
ဒီးတၢ်အိၣ်တၢ်ဆိးအလီၢ်သ့ၣ်တဖၣ်လီၤ. တၢ်ကဟ့ၣ်စ့ၢ်ကီးတၢ်သ့ၣ်ညါနၢ်ပၢၢ်ဘၣ်ဃး တၢ်သူကသံၣ်မူၤဘှီးအ တၢ်လီၤပျံၤအဂ့ၢ်လီၤ.

မိၣ်ပှၤတ၀ၢ ပနံာ်တၢ်မၤ, တၢ်ကူၣ်ဘၣ်ကူၣ်သ့ ဒီးတၢ်မၤသနၢၣ်လၢအဂၤအါခါ, ဘၣ်ဒိဘၣ်ထံး၀ဲဒိၣ်မး လၢတၢ်သူကသံၣ်မူၤဘှီး အဃိ, အဂ့ၢ် နဲၤအီၣ်ထူ,
လၢအမ့ၢ်ကမံာ်တံာ်ကရၢဖိအဂၤတဂၤ, စံး၀ဲလီၤ.

ကသံၣ်မူၤဘှီးအတၢ်အိၣ်သး လၢမိၣ်ပှၤတ၀ၢပူၤ ထီၣ်ဘးလံတၢ်ဘၣ်ယိၣ်ဒိၣ်အပတီၢ်, စံးဒံး၀ဲလၢ တၢ်ဂ့ၢ်ကီ၀ဲအံၤသလၣ်လီၤအ သးတုၤလၢ ပဒိၣ်ကၠိတဖၣ်လီၤ.

အ၀ဲဒၣ်ပာ်ဒ့ၣ်ပာ်ကမၣ်စ့ၢ်ကီး ပၢၤကီၢ်, စံး၀ဲလၢ အ၀ဲသ့ၣ်အတၢ်ဟူးဂဲၤလၢ ကသံၣ်မူၤဘှီးလၢမိၣ်ကီၢ်စဲၣ်ပူၤ ထီဒါ၀ဲထဲပှၤသူက သံၣ်မူၤဘှီးဧိၤ,
ဒီးပှၤလၢအဆါကသံၣ်မူၤဘှီးတဖၣ် ထူၣ်ဖျဲးလၢတၢ်ဖီၣ်အ၀ဲသ့ၣ်လီၤ.