ကညီဒီကလုာ်စၢဖှိၣ်ကရၢ, ကညီဖီၣ်စုက၀ဲၤကရၢခိၣ်သ့ၣ်, သဆၣ် ထီၣ်ကညီကရူၢ်ကရၢဖိခဲလၢာ် ဒ်သိးကနုာ်လီၤပၣ်ဃုာ်လၢထံ ရူၢ်ကီၢ်သဲး
တၢ်လဲၤကျဲ လၢကမၤစၢၤမၤန့ၢ်အ၀ဲသ့ၣ်အခွဲးအယာ်အဂီၢ်လီၤ. ကညီဒီကလုာ်စၢဖှိၣ်ကရၢ ထုးထီၣ်လံာ်ဘိးဘၣ်ရၤလီၤတဘ့ၣ် တချုးလၢက
ညီနံၣ်ထီၣ်သီဘၣ် ဖဲလါယနူၤအါရံၤ ၆ သီ, လၢအ မ့ၢ်ကမျၢၢ်နံၤသဘျ့လၢကီၢ်ပယီၤအပူၤလီၤ. လံာ်ဘိးဘၣ်ရၤလီၤအပူၤစံး၀ဲလၢ ကညီနံၣ်ထီၣ်သီမ့ၢ်
တၢ်ဆၢကတီၢ်လၢကညီဖိက ဘၣ်ပာ်ဖျါအသးသဟီၣ်, အပှၤကလုာ်အက့ၢ်အဂီၤ, အတၢ်ဆဲးတၢ်လၤ ဒီးအလုၢ်လၢ်ထူသနူတဖၣ်လီၤ.
မ့ၢ်၀ဲမုၢ်နံၤတနံၤစ့ၢ်ကီး လၢ ကဒုးနဲၣ်ဟီၣ်ခိၣ်လၢ ကညီဖိအပှၤတ၀ၢ စၢဖှိၣ်အသးလီၤ.

"မ်သုကအိၣ်ဒီး တၢ်မုာ်တၢ်ခုၣ်, တၢ်သူၣ်ဖှံသးညီ ဒီးမုာ်လၤသးခုလၢ ကညီနံၣ်ထီၣ်သီန့ၣ်တက့ၢ်" လံာ်ဘိးဘၣ်ရၤလီၤစံး၀ဲလီၤ.

ကလုာ်ဒူၣ်လၢအဂၤအဒီကလုာ်မုၢ်နံၤတဖၣ် တမ့ၢ်ကမျၢၢ်နံၤသဘျ့ ဒ် ကညီနံၣ်ထီၣ်သီအသိးဘၣ်. လံာ်ဘိးဘၣ်ရၤလီၤစံး၀ဲလၢ ကညီနံၣ်
ထီၣ်သီအနံၤ မ့ၢ်တၢ်ခွဲးတၢ်ယာ်တခါလၢ ပကသ့ၣ်နီၣ်ထီၣ်ကညီခိၣ်နၢ် လၢအပူၤကွံာ် အတၢ်ဂဲၤပျုၢ်ဂဲၤဆှး လၢကညီပှၤတ၀ၢခၢၣ်စးအဂီၢ်လီၤ.
နံၣ်ထီၣ်သီအတၢ်ကစီၣ် သဆၣ်ထီၣ်ကညီဖိခဲလၢာ် ဒ်သိးကမၤလိက့ၤ အ၀ဲသ့ၣ်တၢ်စံၣ်စိၤတဲစိၤ,ပဲာ်ထံနီၤ ဖးတၢ် ဒီးနုာ်လီၤပၣ်ဃုာ်လၢထံ
ရူၢ်ကီၢ်သဲးတၢ်မၤအပူၤ, ဒီးဟံးန့ၢ်ထံရူၢ်ကီၢ်သဲးတၢ်ခွဲးတၢ်ယာ် အဂ့ၤကတၢၢ် ဒ်အပၢၢ်ထီၣ်အသိး န့ၣ်တက့ၢ်.

"ပအဲၣ်ဒိးဆှၢလီၤတၢ်ကစီၣ်ဆူ ပပှၤကလုာ်လၢ ပကဘၣ်ဟံးဃာ်ပဘူၣ်ပတီၢ်လၢပစုပူၤ (ခီဖျိမၤန့ၢ်ထံရူၢ်ကီၢ်သဲး ဒီးကလုာ်အခွဲး အယာ်)
လီၤ. ပကဘၣ်ဒုးတၢ် လၢထံရူၢ်ကီၢ်သဲးအကျဲမ့ၢ်ဂ့ၤ, လၢသုးဂ့ၢ်၀ီအကျဲမ့ၢ်ဂ့ၤ, လၢပခွဲးပယာ်အဂီၢ်လီၤ. ပကဘၣ်ပာ်ဖျါ တၢ်ဃူတၢ်ဖိး ဒီး
ဒုးသကိးတၢ်တပူၤဃီလီၤ." ကညီဒီကလုာ်စၢဖှိၣ်ကရၢ ကရၢခိၣ်ခံဂၤတဂၤ ပဒိၣ်ကွဲၤထူ၀့ စံး၀ဲလီၤ. "ပပာ်ပဘူၣ်ပတီၢ်လၢ ပှၤဂၤစုပူၤတသ့ဘၣ်."
အ၀ဲဒၣ်စံး, အဲၣ်ဒိးစံး၀ဲ ကီၢ်ပယီၤသုးမုၢ် ဒီးပဒိၣ်စုပူၤလီၤ.

ထံရူၢ်ကီၢ်သဲးအတၢ်လဲၤသး ကထီၣ်ကလီၤ၀ဲဘၣ်ဆၣ်, ကညီဒီကလုာ်စၢဖှိၣ်ကရၢ ကဆဲးဆီၣ်ထွဲ ကညီကလုာ်အတၢ်မိၣ်န့ၢ်သး လီ လၢ
ကန့ၢ်ဘၣ်အ၀ဲသ့ၣ်ခွဲးယာ် အလၢအပှဲၤအဂီၢ်လီၤ, အ၀ဲဒၣ်စံး. ကညီဒီကလုာ်စၢဖှိၣ်ကရၢ ဆိကတီၢ်အတၢ်နုာ်လီၤပၣ်ဃုာ်လၢ တၢ်မုာ်တၢ်ခုၣ်
တၢ်တဲသကိးဒီးပဒိၣ်လီၤ. သနာ်က့, စံး၀ဲလၢက ဆဲးထံၣ်လိာ်သးဒီးပဒိၣ် လၢမုၢ်ဆ့ၣ်မုၢ်ဂီၤကျဲ, လၢအထံၣ်၀ဲမ့ၢ်ကျဲအဂ့ၤကတၢၢ် လၢတၢ်က
ဘှါၡဲတၢ်ထံၣ်တလီၤပလိာ်ဒီးပဒိၣ် ဘၣ် ဃးတၢ်ပတုာ်တၢ်ဒုးတၢ်ခးအတၢ်အၢၣ်လီၤအဂ့ၢ်လီၤ. ခီဖျိမုၢ်ဆ့ၣ်မုၢ်ဂီၤအတၢ်ထံၣ်လိာ်, ကညီဒီကလုာ်
စၢဖှိၣ်ကရၢ အဲၣ်ဒိးမၤ ဘၣ်က့ၤ တၢ်မုာ်တၢ်ခုၣ်တၢ်တဲသကိး လၢကျဲလၢအဘၣ်, အဂ့ၢ် လံာ်ဘိးဘၣ်ရၤလီၤ စံး၀ဲလီၤ.

အ၀ဲသ့ၣ်စံး၀ဲ, တၢ်မုာ်တၢ်ခုၣ်တၢ်လဲၤကျဲလၢ တၢ်ပတုာ်တၢ်ဒုးတၢ်ခးအတၢ်အၢၣ်လီၤဖီလာ်ခဲအံၤ, ဟးယံၤဒီးကျဲလၢတၢ်သူၣ်ထီၣ် ဒံၣ်မိၣ်ကရ့ၣ်စံၣ်
ဒီးဖဲဒရဲၣ်အကျိၤအကွာ် လၢအိၣ်သူၣ်လီၤအသးလၢ တၢ်ခွဲးတၢ်ယာ်ထဲသိးတုၤသိးအဖီခိၣ်, ဒ်ကညီကမျၢၢ်ဆၢမုၢ် လၢ်၀ဲအသိးဘၣ်လီၤ.
တၢ်၀ဲအံၤမ့ၢ်တၢ်ဂ့ၢ်လၢ ကညီဒီကလုာ်စၢဖှိၣ်ကရၢ ဆိကတီၢ်အတၢ်နုာ်လိၤပၣ်ဃုာ်လၢ တၢ်သ့ၣ်ညါပာ်ပနီၣ် ကျဲအတၢ်ထံၣ်လိာ်ဒီးပဒိၣ်အဂ့ၢ်,
လံာ်ဘိးဘၣ်ရၤလီၤစံး၀ဲလီၤ.

ကညီဒီကလုာ်စၢဖှိၣ်ကရၢစံး၀ဲ, တၢ်သဲၣ်ဖးအိၣ်ထီၣ်လၢ အ၀ဲဒီးပဒိၣ်အဘၢၣ်စၢၤ ဘၣ်ဃးတၢ်ပတုာ်တၢ်ဒုးတၢ်ခးအတၢ်အၢၣ်လီၤ NCA အဂ့ၢ်လီၤ.

"ပကဘၣ်ဃုတၢ်စံးဆၢ ခီဖျိထံရူၢ်ကီၢ်သဲးတၢ်စံးကတိၤအကျဲ ဒ်သိးကဆီလီၤပာ်လီၤသနူမိၢ်ပှၢ်လၢအလိၣ် လၢတၢ်ကသူၣ်ထီၣ်ဒံၣ် မိၣ်ကရ့ၣ်စံၣ်
ဒီးဖဲဒရဲၣ်သနူအဂီၢ်လီၤ. ပကတိၤထီၣ်တၢ်မ့ၢ်လၢ ပတအိၣ်ဒံးဒီးတၢ်အိၣ်သးလၢအလိၣ် လၢထံရူၢ်ကီၢ်သဲးအတၢ်စံး ကတိၤအဂီၢ်ဘၣ်အဃိလီၤ."
ပဒိၣ်ကွဲၤထူ၀့ စံး၀ဲလီၤ.