KNLA ဒုးယာ်ခိၣ်လၢသုးက့ ၅ စံးဝဲလၢပဒိၣ်မ့ၢ်အဲၣ်ဒိးမၤတၢ်မုာ်တၢ်ခုၣ်ဒီးခ့ၣ်အဲၣ်ယူၣ်န့ၣ်ဒီးကြၢးနဲၣ်ဖျါထီၣ်ဝဲအတၢ်ပာ်သးတီတီလိၤလိၤန့ၣ်လီၤ.

ဖဲတၢ်မၤတၢ်သမံသမိးဒီး KNLA သုးက့ ၅ ဒုးယာ်ခိၣ်စီၤကျၢၤဒိၣ်ဖဲဖၣ်ပူၣ်ကီၢ်ရ့ၣ်ပူၤ,ဖဲလါမးရှးထီၣ် ၄ သီအနံၤအ ကတီၢ်,အဝဲစံးဘၣ်မံၣ်စံၣ်မၣ်တၢ်ကစီၣ်,“ပဒိၣ်မ့ၢ်သးလီတၢ်မုာ်တၢ်ခုၣ်နီၢ်နီၢ်န့ၣ်ဒီးအဝဲသ့ၣ်ကြၢးဒုးနဲၣ်ဖျါထီၣ်အ
တၢ်ပာ်သူၣ်ပာ်သးခီဖျိလၢအတၢ်ဟူးတၢ်ဂဲၤတဖၣ်န့ၣ်လီၤ.”

ဖဲလါမးရှးအသီ ၁၀ အနံၤမံၣ်စံၣ်မၣ်တၢ်ကစီၣ်ပာ်ဖျါထီၣ်ဝဲဒၣ်လၢဖဲလၢတၢ်သမံသမိးဝဲဒုးယာ်ခိၣ်စီၤကျၢၤဒိၣ်အက တီၢ်အဝဲစံးဝဲ,“ပဒိၣ်ဆိကမိၣ်ဝဲလၢပကြၢးနာ်န့ၢ်လိၤသးတဂၤဒီးတဂၤန့ၣ်လီၤ.ဘၣ်ဆၣ်ဒီးအဝဲသ့ၣ်ကြၢးဒုး
နဲၣ်ဖျါ ထီၣ်တၢ်အုၣ်ကီၤလၢအဝဲသ့ၣ်ကြၢးဒိးန့ၢ်ဘၣ်ပတၢ်နာ်န့ၢ်အီၤန့ၣ်လီၤ.”

အဝဲစံးဝဲ,“ဘၣ်ဆၣ်ဒီးအဝဲသ့ၣ်ကြၢးဒုးနဲၣ်ဖျါထီၣ်တၢ်အုၣ်ကီၤလၢအဝဲသ့ၣ်ကြၢးဒိၣ်န့ၢ်ပတၢ်နာ်န့ၢ်အီၤန့ၣ်လီၤ. အဝဲ သ့ၣ်တလူၤပိာ်မၤထွဲဝဲတၢ်လၢပဃ့ထီၣ်အီၤဖဲပတၢ်ကတိၤသကိးတၢ်မုာ်တၢ်ခုၣ်အကတီၢ်ဘၣ်န့ၣ်လီၤ.”

ဒုးယာ်ခိၣ်စီၤကျၢၤဒိၣ်စံးဝဲလၢဖဲသုးက့ ၅ ဟီၣ်ကဝီၤအပူၤပယီၤသုးမုၢ်အတၢ်လီၢ်တၢ်ကျဲအိၣ်ဝဲအါန့ၢ်ဒံး ၈၀ ခါန့ၣ် လီၤ. အဝဲစံးဝဲ,“ပဃ့ထီၣ်အဝဲသ့ၣ်ဒ်သိးကထုးကွံာ်ဝဲအဝဲသ့ၣ်သုးတၢ်လီၢ်တၢ်ကျဲ ၇ခါဘၣ်ဆၣ် အဝဲသ့ၣ်တထုးကွံာ် ဝဲနီတဘျီဘၣ်န့ၣ်လီၤ.”

ဒုးယာ်ခိၣ်စံးဝဲ,“လၢန့ၣ်အလီၢ်အဝဲသ့ၣ်မၤလဲၢ်ထီၣ်အတၢ်ဆီလီသးန့ၣ်လီၤ. အဝဲသ့ၣ်မ့ၢ်မၤဒ်အံၤ,ပနာ်အီၣ်အဝဲသ့ၣ်ကသ့ဒ်လဲၣ်.”အဝဲဟ့ၣ်ဒုးသ့ၣ်ညါစ့ၢ်ကီးလၢအဝတအိၣ်ဒီးတၢ်နာ်လၢပယီၤသုးမုၢ်တဖၣ်ကနာ်န့ၢ်ဝဲခ့ၣ်အဲၣ် ယူၣ်ဘၣ်န့ၣ်လီၤ.

အဝဲစံးဝဲ,“ပမၤတၢ်အၢၣ်လီၤတူၢ်လိာ်တၢ်ဒီးပဒိၣ်လၢပကအိၣ်ဒီးတၢ်တၢၣ်ပီၣ်သကိးတၢ်မုာ်တၢ်ခုၣ်ဘၣ်ဆၣ်ပကဘၣ်အိၣ်ဒီးတၢ်ဆဲးလီၤစုမုၢ်ကျၢၢ်ဘၣ်ဃးတၢ်ပတုာ်တၢ်ခးအံၤဒံးန့ၣ်လီၤ.ဒီးတၢ်ပတုာ်တၢ်ခးအံၤကအိၣ်ထီၣ်မ့ၢ်တအိၣ် ထီၣ်လဲၣ်န့ၣ်တၢ်လီၤတံၢ်လီၤဆဲးတအိၣ်ဝဲဘၣ်န့ၣ်လီၤ.

ထဲဒၣ်ပှၤခံဖုလၢာ်အံၤမ့ၢ်အိၣ်ဒီးတၢ်ပာ်သူၣ်ပာ်သးလၢအတီန့ၣ်ဒီးပဆဲးလဲၤဆူတၢ်မုာ်တၢ်ခုၣ်အတၢ်အၢၣ်လီၤအီလီၤအကျဲဖီခိၣ်သ့ဝဲန့ၣ်လီၤ.တၢ်အိၣ်ဒီးတၢ်ထဲသိးတုၤသိးဒီးနီၢ်ကစၢ်အတၢ်ပၢလီၤ
အသးဒၣ်ဝဲအံၤမ့ၢ်ဝဲပတၢ်ပညိၣ ်န့ၣ်လီၤ.ပမ့ၢ်တတုၤဃီၤဆူပတၢ်ပညိၣ်ဖီတၢၣ်ဘၣ်ဒီးပတပျဲပဒိၣ်လၢကဒုးအိၣ်ထီၣ်မုၢ်ကျိၤဝဲၤကွာ်တၢ်ဂုၤထီၣ်ပသီထီၣ်ဖဲကညီကီၢ်စဲၣ်အပူၤဘၣ်န့ၣ်လီၤ.ပမ့ၢ်ဒိးန့ၢ်ဘၣ်တၢ်ခွဲးတၢ်ယာ်လၢပဃ့ထီၣ်
အီၤသ့ၣ်တဖၣ်န့ၣ်ဒီးခ့ၣ်အဲၣ်ယူၣ် ဒုးအိၣ်ထီၣ်ဝဲဟီၣ်ကဝီၤမုၢ်ကျိၤဝဲၤကွာ်အတၢ်လဲၤထီၣ်လဲၤထီသ့ဝဲဒၣ်ဂ့ၤဂ့ၤန့ၣ်လီၤ.”