တၢ်ပာ်လီၤစဲၣ်စ့ ၄၅,၀၀၀ ကကွဲၢ်ကၠး လၢတၢ်သူၣ်တၢ်ဖျးလၢတၢ်စူၤခါကတီၢ်အဂီၢ်, အဂ့ၢ် ကီၢ်ပယီၤတၢ်သူၣ်တၢ်ဖျးတၢ်လဲၤထီၣ် လဲၤထီစ့တၢး (မိၣ်ကီၢ်စဲၣ်အဒ့), စံးဝဲလီၤ.

တၢ်ဟံးလိၢ်စ့သ့ လၢတၢ်ကသူၣ်ဘုလၢတၢ်စူၤခါအဂီၢ် စး ထီၣ်လါမ့ၤ ၆ သီတုၤလၢလါအီကူးတၢၢ်, ၂၀၁၉ လီၤ. ပှၤ မၤစံာ်ဖိကဘၣ်ဟ့ၣ်လီၤစ့တၢး
တၢ်မၤအီၣ်စံာ်လီၢ်တၢ်ပျဲအ လံာ် Form 7 ဒ်သိးကဒိးန့ၢ်စ့ဒုးလိၢ်အဂီၢ်လီၤ. တုၤမ့ၢ်အဝဲ သ့ၣ်လိးက့ၤစ့မ့ၢ်ဝံၤဒီး တၢ်ကက့ၤဟ့ၣ်က့ၤအဝဲသ့ၣ် Form လီၤ.

"မ့ၢ်လၢပဝဲ, ကီၢ်ပယီၤတၢ်သူၣ်တၢ်ဖျးတၢ်လဲၤထီၣ်လဲၤထီစ့ တၢးထီစ့တၢး, ဟ့ၣ်လီၤစ့ဒုးလိၢ်အဃိ, မ့ၢ်တၢ်ညီတၢ်ဘှါလၢ အဝဲသ့ၣ် (ပှၤမၤ စံာ်ဖိ)
အဂီၢ်လီၤ. အဝဲသ့ၣ်တလိၣ်ဃုစ့ဒုး လိၢ်လၢအဂၤဘၣ်," အူကၠီၤစွၤလဲၣ်, လၢအမ့ၢ်ပှၤပၢဆှၢရဲၣ်ကျဲၤတၢ် လၢကီၢ်ပယီၤတၢ် သူၣ်တၢ်ဖျးတၢ်လဲၤထီၣ်လဲၤထီ
စ့တၢး (မိၣ်ကီၢ်စဲၣ်အဒ့), စံးဝဲလီၤ.

ကီၢ်ပယီၤတၢ်သူၣ်တၢ်ဖျးတၢ်လဲၤထီၣ်လဲၤထီစ့တၢး ဟ့ၣ်လီၤစ့ဒုးလိၢ်တုၤလၢ တၢ်စူၤခါဘုစံာ်လီၢ်တအ့ခၢၣ် ၁၅၀,၀၀၀ ကၠး, ဒီး လၢစံာ်လီၢ်လၢတၢ်
ထူၣ်တၢ်ဖိလၢအဂၤအဂီၢ် တအ့ခၢၣ် ၁၀၀,၀၀၀ ကၠးလီၤ.

ပှၤမၤစံာ်ဖိတဂၤ ဟံးန့ၢ်လိၢ်စ့န့ၢ် တုၤလၢစံာ်လီၢ် ၁၀ အ့ခၢၣ်အဂီၢ်လီၤ. စ့ဒုးလိၢ်အအ့ၣ်မ့ၢ် စ့ ၁၀၀ ကၠးအဂီၢ် ၆၇ ဘ့ၣ်လီၤ. ပှၤမၤစံာ်ဖိက့ၤဟ့ၣ်က
ဒါက့ၤစ့ဒုးလိၢ် ဖဲအဝဲသ့ၣ်ကူးအတၢ် ထူၣ်တၢ်ဘိဝံၤအလီၢ်ခံလီၤ.

သနာ်က့, ပှၤမၤစံာ်ဖိတနီၤစံးဝဲလၢ စ့ဒုးလိၢ်လၢစံာ်လီၢ်တအ့ခၢၣ် ၁၅၀,၀၀၀ ကၠး, တမ့ၢ်တၢ်လၢတၢ်လီၢ်ဘၣ်.

"စံာ်လီၢ်လၢမီၣ်လ်မၠဲၣ်ကီၢ်ဆၣ် ဒီးစံာ်လီၢ်လၢပီၢ်ကီၢ်ဆၣ် လီၤဆီလိာ်အသးလီၤ. မ့ၢ်လၢမီၣ်လ်မၠဲၣ်ဟီၣ်ကဝီၤ အိၣ်ဒီးတၢ်လူၢ်တၢ်ြတီၤ အါအဃိ, တၢ်ဝဲအံၤ
ကလိၣ်ဘၣ် တၢ်လၢာ်ဘူၣ်လၢာ်စ့ၤအါလီၤ. တၢ်မ့ၢ်ပာ်လီၤန့ၢ် တအ့ခၢၣ် ခံကလီၢ် မ့တမ့ၢ် သၢကလီၢ်ဒီး ကမ့ၢ် ဖဲအဘၣ်လီၤ," အဂ့ၢ် အူ ယၤကၠၤ, လၢအ
စံာ်လီၢ်အိၣ် ၁၆ အ့ခၢၣ်တဂၤ, စံးဝဲလီၤ.

မိၣ်ကီၢ်စဲၣ်အပူၤ, စံာ်လီၢ်လၢတၢ်စူၤခါဘုအဂီၢ် အိၣ်ဝဲ ၇၀,၀၀၀ အ့ခၢၣ်ဃၣ်ဃၣ်လီၤ. ဘၣ်ဆၣ်တနံၣ်အံၤ, စ့ဘးကၠဲးလၢတၢ်ပာ် လီၤန့ၢ် လၢတၢ်သူၣ်တၢ်
ဖျးစ့ဒုးလိၢ်အဂီၢ် လၢဝဲထဲစံာ်လီၢ် ၄၀,၀၀၀ အ့ခၢၣ်အဂီၢ်လီၤ.

မဟိတနံၣ်တၢ်ဟ့ၣ်လီၤစ့ဒုး လိၢ် ၄၂,၀၀၀ ကကွဲၢ်ကၠးဃၣ်ဃၣ် လၢတၢ်ကသူၣ်တၢ်စူၤခါဘုအဂီၢ်, အဂ့ၢ် ကီၢ်ပယီၤတၢ်သူၣ်တၢ်ဖျးတၢ်လဲၤထီၣ်လဲၤ
ထီစ့တၢး (မိၣ်ကီၢ်စဲၣ်အဒ့) စံးဝဲလီၤ.