တၢ်ကဆီတလဲ တၢ်ပၢဆှၢတၢ်မုာ်တၢ်ခုၣ်တၢ်မၤကျဲကရူၢ် Peace Process Steering Team (PPST) ခိၣ်နၢ်တၢ် ဖီခိၣ်ကတၢၢ်ခံဂၤ ဒ်သိး
တၢ်ကမၤဆူၣ်ထီၣ်ကရူၢ်အဂီၢ်, ကမံးတံာ်ခိၣ်နၢ်စံး၀ဲ ဖဲမုၢ်ယူာ်အနံၤ လီၤ.

စီၤမူၤတူစ့ဖိ လၢအမ့ၢ် PPST အခိၣ်, လၢအပၣ်ဃုာ် ကလုာ်ဒူၣ်ဖီၣ်စုက၀ဲၤကရူၢ် လၢအဆဲးတၢ်ပတုာ်တၢ်ဒုး တၢ်ခးအတၢ်အၢၣ်လီၤဒီးပဒိၣ်, စံး၀ဲလၢ
ကရူၢ်ထံၣ်လိာ်အသး ဒ်သိးကတဲသကိး ခိၣ်နၢ်တၢ်တီခိၣ်ရိၣ်မဲ တၢ်ဆီ တလဲအဂီၢ်လီၤ.

ကလုာ်ဒူၣ်ဖီၣ်စုက၀ဲၤကရူၢ်အဖုတဆံ ဆဲးထံကီၢ်ဒီတဘ့ၣ် တၢ်ပတုာ်တၢ်ခးအတၢ်အၢၣ်လီၤ လၢပဒိၣ်စံး မ့ၢ်တၢ် လိၣ်အခီၣ်ထံး လၢတၢ်ကနုာ်လီၤပၣ်ဃုာ်လၢ
တၢ်တဲသကိးတၢ်မုာ်တၢ်ခုၣ် ကသ့အဂီၢ်လီၤ.

"ကညီဒီကလုာ်စၢဖှိၣ်ကရၢ ဒီးတၢ်သူၣ်ထီၣ်ယိၤဒိၣ်ကီၢ်စဲၣ်ကီၣ်ကးကရၢ ကွၢ်ကဒါက့ၤကရူၢ်အကရၢဖိ ဒိးသန့ၤထီၣ်သးလၢ တၢ် ထံၣ်တၢ်ဆိမိၣ်လီၤဆီဘၣ်ဃး
တၢ်လဲၤကျဲဆူညါန့ၣ်လီၤ." စီၤမူၤတူစ့ဖိ လၢအမ့ၢ်စ့ၢ်ကီး ကညီဒီကလုာ်စၢဖှိၣ်ကရၢကရၢခိၣ် စံး၀ဲ လီၤ. "ပကရူၢ်ခံဖု ကတဲသကိးတၢ်ဂ့ၢ်လၢ ကဆီ
တလဲက့ၤ PPST အတၢ်သူၣ်ထီၣ်အသးလီၤ. ပကမၤတၢ်ဆီတလဲ လၢအြကၢး၀ဲ ဘၣ်၀ဲတဖၣ်လီၤ." RCSS အခိၣ် ယီစၢး လၢအမ့ၢ်ကရူၢ်အပှၤပၢၤ
လီၢ်ဆ့ၣ်နီၤ ခံဂၤတဂၤ စံး၀ဲလီၤ.

စီၤမူၤတူစ့ဖိစံး၀ဲလၢ တၢ်မၤထွဲထီၣ် NCA အကျဲဟးဖးလံလၢ ဖီတၢၣ်လၢအခီၣ်ထံး လၢကသူၣ်ထီၣ်ဖဲဒရဲၣ်ကီၢ်စၢဖှိၣ် လၢအိၣ် သူၣ်လီၤအသးလၢ ဒံၣ်မိၣ်
ကရ့ၣ်စံၣ်အဖီခိၣ်, အဃိဒီးတၢ်ကဘၣ်မၤဘၣ်က့ၤအီၤလီၤ.

PPST တၢ်ဒုးအိၣ်ထီၣ်အီၤဖဲ ၂၀၁၇ ဖဲကရၢဆဲး NCA တၢ်အၢၣ်လီၤအိၣ်ဒံးဃိးဖုအခါလီၤ. အ၀ဲသ့ၣ်ကျဲးစၢးဃု တၢ်လၢအၢၣ်လီၤ သ့လၢအ၀ဲသ့ၣ်အဖု
၁၀ အသိးကျါ ဘၣ်ဃးတၢ်ဂ့ၢ်ခိၣ်တီသၢထံၣ် လၢအ၀ဲသ့ၣ်အဲၣ်ဒိးတၢ်ကွၢ်ကဒါက့ၤ ဖဲတၢ်တဲသကိးတၢ်မုာ်တၢ် ခုၣ်တၢ်အိၣ်ဖှိၣ် လၢအဆဲးလဲၤဒံးအသးအ
ဖၢမုၢ်အပူၤလီၤ.