ညီၤခၠီသၤပီၣ်လဲၣ်နံၤ, လၢအမံၤဟူသၣ်ဖျါဒ်အမ့ၢ် န့ဆၢၣ်ပီၣ်လဲၣ်နံၤတၢ်လီၢ်ဃံလၤ လၢပှၤဟဲလုၢ်ထံအါအပူၤကွံာ်ဃုနံၣ် လၢ ယၤက့စၤယၤသ၀ီ,
ညီၤဒိကီၢ်ဆၣ်မုၢ်နုာ်, အ့ယၣ်၀တံၣ်ကီၢ်ခီဒိၣ်, တၢ်ကအိးထီၣ်အီၤလၢတၢ်သ့ၣ်ညါပာ်ပနီၣ်အကျဲ တနံၣ်အံၤဖဲ လါဖ့ၤဖီအါရံၤ ၂၃ လီၤ.

"ညီၤခၠီသၤမ့ၢ် ပီၣ်လဲၣ်နံၤလၢမံၤဟူသၣ်ဖျါကတၢၢ် လၢကီၢ်ပယီၤလီၤ. ပကတဲာ်ကတီၤန့ၢ်ပာ် တၢ်ပူၤတၢ်ဖျဲးတၢ်ရဲၣ်တၢ်ကျဲၤ လၢ တမှံၤဟဲအိၣ်သကိးအဂီၢ်,
ဒ်သိးအ၀ဲသ့ၣ်ကလဲၤနုာ်လိာ်ကွဲလၢထံကျါ, ဒီးမ့ၢ်တၢ်လီၢ်လၢသိလ့ၣ်လဲၤသ့ ဆူပီၣ်လဲၣ်နံၤလီၤ. ပပာ် ပနီၣ်န့ၢ် တၢ်ဟဲနုာ်ကွၢ်အလဲ, ဟိၣ်ထဲလ်
အလဲ, ဒီးလီၢ်ဆ့ၣ်နီၤဒီးတၢ်အီၣ်တၢ်အီ အလုၢ်အပှ့ၤတဖၣ်လီၤ. ပီၣ်လဲၣ်နံၤတၢ်ကအိး ထီၣ်လၢတၢ်သ့ၣ်ညါပာ်ပနီၣ်အကျဲ တနံၣ်အံၤဖဲလါဖ့ၤဖီအါရံၤ ၂၃
သီလီၤ." အဂ့ၢ် အူအီၣ်မၠိမ့, လၢအမ့ၢ် ညီၤဒိကီၢ်ဆၣ် မၠူၣ်နံၣ် စပဲးကမံးတံာ်, ပှၤပၢၤလီၢ်ဆ့ၣ်နီၤ စံး၀ဲလီၤ."

"ညီၤခီၠသၤကၢၢ်ခိၣ်ပီၣ်လဲၣ်နံၤ, လၢတၢ်အိးထီၣ်အီၤအဆိကတၢၢ် တဘျီဖဲ ၂၀၁၃, ပှဲၤကတံာ်ဒီးပှၤလဲၤလိာ်ကွဲလၢပီၣ်လဲၣ်နံၤ ကိး နံၣ်ဒဲး, ဖဲတမှံၤဟဲဟး
အါအဆၢကတီၢ်လီၤ. တမှံၤနီၣ်ဂံၢ်လၢဟဲ အိၣ်သကိး ပီၣ်လဲၣ်နံၤ, အါထီၣ်တနံၣ်ဘၣ်တနံၣ်လီၤ.

တနံၣ်အံၤ, တမှံၤဟဲဟးတဖၣ် လဲၤနုာ်ဟးလၢထံကျါ ခီဂာ်မဲး ကၢၢ်ခိၣ်အလဲၢ် ၅၀၀ ပ့ၣ်သ့လီၤ. ကီၢ်ဆၣ်ကမံးတံာ်ကွၢ်ထွဲတၢ် ပာ်လီၤတၢ်ရဲၣ်တၢ်ကျဲၤ
ဒ်သိးကမၤလီၤတံၢ် တၢ်ပူၤတၢ်ဖျဲးကအိၣ် လၢတမှံၤဟဲဟးတဖၣ်အဂီၢ်လီၤ." အူအီၣ်နဲၣ်, လၢအမ့ၢ် ကီၢ်ဆၣ် မၠူၤနံးစပဲၣ်အခိၣ်ခံဂၤတဂၤ, လၢအကွၢ်ထွဲညီၤခီၠ
သၤပီၣ်လဲၣ်နံၤ ကမံးတံာ်ကွၢ်ထွဲတၢ်, စံး၀ဲလီၤ.

ကမံးတံာ်တ့ထီၣ်တၢ်သူၣ်ထီၣ် လၢတၢ်အီၣ်ကျး ၅၀ ဖျၢၣ်အဂီၢ်, ဒီးကျးသ့ၣ်တဖၣ်အံၤတၢ်ကအိးထီၣ်အီၤ လၢပီၣ်လဲၣ်နံၤ၀းတရံး လီၤ. တမှံၤဟဲဟးတဖၣ်
ကကသါဘၣ်ကလံၤလၢအဆှံ, ကလဲၤနုာ်လိာ်ကွဲလၢထံကျါ, ဒီးကမၣ်လိာ်အီၣ်တၢ်အီၣ်ဖဲပီၣ်လဲၣ်နံၤ လီၤ.

ကီၢ်ပူၤကီၢ်ချၢတမှံၤ ဟဲဟးမုာ်လၢညီၤခၠီသၤပီၣ်လဲၣ်နံၤ မ့ၢ်လၢအပှ့ၤတဒိၣ်ထဲသိးဒီး ခၠီသၤဒီးငွ့ၤဆီၤပီၣ်လဲၣ်နံၤတဖၣ်အဃိလီၤ. အါန့ၢ်အန့ၣ် လၢ၀့ၢ်တကူၣ်
နလဲၤဒီးသိလ့ၣ်ဆူပီၣ်လဲၣ်နံၤ လၢတနၣ်ရံၣ်အတီၢ်ပူၤန့ၢ်လီၤ.