ကီၢ်စၢဖှိၣ်ပတီၢ် ကလုာ်ဒူၣ်ဂ့ၢ်၀ီကိတိာ် ဟ့ၣ်မၤဘူၣ်လီၤစ့ ၃.၅ ကကွဲၢ်ကၠးလၢ တၢ်မၤလၤကပီၤမိၣ်ဒီကလုာ်မုၢ်နံၤ (လီၢ်ခၢၣ်သး) ၇၂ ၀ီတ၀ီအဂီၢ်,
လၢတၢ်ကမၤအီၤဖဲပကိ၀့ၢ်ခိၣ်, ပကိကီၢ်ခီဒိၣ်, တနံၣ်အံၤလီၤ.

မိၣ်ဒီကလုာ်မုၢ်နံၤ (လီၢ်ခၢၣ်သး) ၇၂ ၀ီတ၀ီ တၢ်ကရၢကရိကမံးတံာ်, ဒိးန့ၢ်တၢ်မၤဘူၣ်ဖဲတၢ်ထံၣ်လိာ်အိၣ်ဖှိၣ်ဒီး နဲၤသဲၣ်လွ့ၤ, ကီၢ်စၢ ဖှိၣ်ကလုာ်ဒူၣ်ဂ့ၢ်၀ီ
ကိတိာ်ခိၣ်, ဖဲလါယနူၤအါရံၤ ၂၁ သီ, န့ၢ်ပၠံၣ်ဒီၣ်န့ၣ်လီၤ.

မိၣ်ဒီကလုာ်မုၢ်နံၤ (လီၢ်ခၢၣ်သး) ၇၂ ၀ီတ၀ီ တၢ်ကရၢကရိကမံး တံာ်, အိၣ်ဖှိၣ်စ့ၢ်ကီးတၢ်အိၣ်ဖှိၣ်တခါ လၢဘၣ်တၢ်တီခိၣ်ရိၣ်မဲအီၤ လၢ ကညီကလုာ်
ဂ့ၢ်၀ီကိတိာ်ခိၣ်, ဖဲပကိကီၢ်ခီဒိၣ်ပဒိၣ်၀ဲၤဒၢး, လါ ယနူၤအါရံၤ ၂၂ သီ, အဂ့ၢ် မ့ဘညါညၤထိ, လၢအမ့ၢ်မိၣ်ဒီကလုာ် မုၢ်နံၤ (လီၢ်ခၢၣ်သး) ၇၂ ၀ီတ၀ီ
တၢ်ကရၢကရိကမံးတံာ် အနဲၢ်ရွဲၣ် ခိၣ်ကျၢၢ်, စံး၀ဲလီၤ.

လီၢ်ခၢၣ်သးပတီၢ် တၢ်မၤလၤကပီၤမိၣ်ဒီကလုာ်မုၢ်နံၤ ၇၂ ၀ီတ၀ီ, ကယံာ်၀ဲသၢသီ ဒီးကဘၣ်တၢ်မၤအီၤဖဲ ၡွ့ၣ်မီၣ်ဒီဃိၣ်ကရၢၢ်ပူၤ လၢပကိ၀့ၢ်ခိၣ်, စးထီၣ်
လါဖ့ၤဖီအါရံၤ ၂၀ လီၤ. လၢဂီၤခီတၢ်ရဲၣ်တၢ် ကျဲၤအမူးအဂီၢ်, ဘဲတၢ်ဒ့တၢ်အူသၢဖု ကစးထီၣ်ဟးလၢတၢ်လီၢ် လီၤဆီလိာ်သးသၢတီၤလီၤ. တၢ်
လီၤဒုးနဲၣ်တၢ်ဒ့တၢ်အူ၀ံၤအလီၢ်ခံ, တၢ်ရဲၣ်တၢ်ကျဲၤခံခါတခါမ့ၢ် တၢ်ယူာ်ထီၣ်မိၣ်နီၢ်တယၢ်လီၤ. လၢဟါလီၤခီအဆၢကတီၢ်, တၢ်ကတိၤလီၤတၢ်, မိၣ်
တၢ်န့ၢ်သါတၢ်ဂဲၤက လံၣ်, ဒီးခ့ခါဆၢကတီၢ် တၢ်ဒ့တၢ်အူအတၢ်ဒုးနဲၣ်တဖၣ်, ဒီးခီရီၢ် တၢ်ဒုးနဲၣ်တၢ်ဂဲၤကလံၣ်ကအိၣ်၀ဲလီၤ.

ဒ်တၢ်မၤလၤကပီၤမိၣ်ဒီကလုာ်မုၢ်နံၤ ၇၂ ၀ီတ၀ီ တၢ်ကရၢကရိကမံးတံာ် စံး၀ဲအသိး, တၢ်ပာ်လီၤဆီစ့ ၁၂၀ ကကွဲၢ်ကၠး ဒ်အမ့ၢ်စ့
ဘးကၠဲးလၢ တၢ်ကမၤလၤကပီၤ မိၣ်ဒီကလုာ်မုၢ်နံၤ (လီၢ်ခၢၣ်သး) ၇၂ ၀ီတ၀ီ အဂီၢ်လီၤ.