ကီၢ်ပယီၤတၢ်ကူၣ်ဘၣ်ကူၣ်သ့အကျိၤအကွာ် ကလိၣ်တၢ်ဆီတလဲအီၤလီၤ, ထံကီၢ်ပှၤကူၣ်လိာ်တၢ် ဒီၢ်အီၣ်ဆါစူးကၠံၣ် စံး၀ဲဖဲအ လဲၤအိၣ်သကိး
ကလ့၀့ၢ်, စကဲကီၢ်ခီဒိၣ် တနွံအံၤလီၤ.

ကီၢ်ပဒိၣ်အခိၣ် ကတိၤတၢ်ဒီးကမျၢၢ်ဖဲ၀့ၢ်ဘျီၣ်ဒိၣ် မုၢ်ဆၣ်အနံၤ ဖဲအ အိၣ်သကိးခၠီကီၢ်စဲၣ်၀ံၤအလီၢ်ခံလီၤ.

"ဟီၣ်ခိၣ်ဆီတလဲ. ပတၢ်လိၣ်တဖၣ်စ့ၢ်ကီးဆီတလဲလီၤ. ပကဘၣ်ဒုးအိၣ်ထီၣ် တၢ်ကူၣ်ဘၣ်ကူၣ်သ့အကျိၤအကွာ် လၢအဃူလီၤပ လိာ်ဒီး
ပတၢ်လိၣ်သ့ၣ်တဖၣ်လီၤ. အ၀ဲဒၣ်စံး.

ထံကီၢ်ပှၤကူၣ်လိာ်တၢ်သးအုး၀ဲ လၢအါနံၣ်အါလါအတီၢ်ပူၤ မိၢ်ပၢ်တ ဖၣ်ကွၢ်ထဲလၢအ၀ဲသ့ၣ်ဖိတၢ်ဒိးစဲးအမး, ဒီးတထိၣ်တဒွးတၢ်ကူၣ်ဘၣ်
ကူၣ်သ့ လၢအ၀ဲသ့ၣ်မၤန့ၢ်၀ဲထဲလဲၣ်န့ၣ်ဘၣ်လီၤ.

"မိၢ်ပၢ်တဖၣ် အဲၣ်ဒိးအ၀ဲသ့ၣ်ဖိ ကဖျိအတၢ်ဒိးစဲးလၢအမးအါလီၤ. ၀ံၤ ဒီးအ၀ဲသ့ၣ်အဖိ ကထီၣ်ဘၣ်ကသံၣ်ကၠိ ဒီးကဲထီၣ်ကသံၣ်သရၣ်လီၤ.
အ၀ဲသ့ၣ်ဆိမိၣ်၀ဲ အ၀ဲသ့ၣ်မ့ၢ်ကဲထီၣ်ကသံၣ်သရၣ်ဒီး အ၀ဲသ့ၣ်ကပာ် ကဖၢအသးဒိၣ်ဒိၣ်ကသ့ ဒီးကမၤန့ၢ်စ့တၢ်ဟဲနုာ်လၢအဂ့ၤလီၤ. ဃုာ်
ဒီးတၢ်ဆိမိၣ်အံၤ, အ၀ဲသ့ၣ်အဲၣ်ဒိးကဲထီၣ် ကသံၣ်သရၣ်လီၤ. ဘၣ်ဆၣ်ပလိၣ်ဘၣ်စ့ၢ်ကီး အ့ကၠ့နံယၢၢ်, ပဒိၣ်ပှၤမၤတၢ်ဖိ, ကၠိသ ရၣ်, ဒီးတၢ်အဂၤတဖၣ်စ့ၢ်
ကီးလီၤ." အ၀ဲဒၣ်စံး.

ဒီၢ်အီၣ်ဆါစူးကၠံၣ် သဆၣ်ထီၣ်သးစၢ်တဖၣ်ဒ်သိး "ကအိးထီၣ်အ၀ဲသ့ၣ်အမဲာ်, အနၢ် လၢတၢ်ခွဲးတၢ်ယာ်အါထီၣ်အဂီၢ်" ဒီးကဒုးအိၣ် ထီၣ်တၢ်သ့တၢ်ဘၣ်
လၢကမၤတၢ်မၤလၢအဂၤအါခါ ကသ့အဂီၢ်လီၤ." ထံကီၢ်ပှၤကူၣ်လိာ်တၢ် ဟ့ၣ်ဂံၢ်ဟ့ၣ်ဘါတၢ်လုၢ်အီၣ်သးသမူ တၢ်ကူၣ်ဘၣ်ကူၣ်သ့, ဒီးစံးဘၣ်ကလ့၀့ၢ်
ကမျၢၢ်လၢ ဖၠၣ်စိမိၤတၢ်ကူၣ်ဘၣ်ကူၣ်သ့ဒီး တၢ်လုၢ်အီၣ်သးသမူတၢ်သ့တၢ်ဘၣ်တၢ်သိလိ မ့ၢ်တၢ်အရ့ဒိၣ်ဒ်သိးသိး, ဒီးအ၀ဲဒၣ်အပဒိၣ် ကျဲးစၢးမၤတၢ်လၢ
အဂ့ၤကတၢၢ် ဒ်သိးကမၤဆံးလီၤစှၤလီၤ တၢ်တအိၣ်ဒီးတၢ်မၤဘၣ် လီၤ.