ပဒိၣ်ပာ်လီၤတၢ်ရဲၣ်တၢ်ကျဲၤလၢ ကသူၣ်ထီၣ်တၢ်ကူစါတၢ်စွဲကသံၣ်မူၤဘှီး၀ဲၤလီၢ်အသီ, ဒီးမၤဂ့ၤထီၣ်အလီၢ်လံၤလၢအိၣ်ပာ်စၢၤ လၢနံၣ်လၢကဟဲ,
အဂ့ၢ် ပှၤဂ့ၢ်၀ီတၢ်ဆီၣ်ထွဲမၤစၢၤ ပှၤဘၣ်မူဘၣ်ဒါ အဒိၣ်တဂၤ, စံး၀ဲလီၤ.

အူထိစီၤ, လၢအမ့ၢ်ပှၤနဲၣ်တၢ်လၢ တၢ်ကူစါတၢ်စွဲကသံၣ်မူၤဘှီး၀ဲၤ ကျိၤ, လၢပှၤဂ့ၢ်၀ီတၢ်ဆီၣ်ထွဲမၤစၢၤ ဒီးတၢ်ဆီလီၤပာ်လီၤကိ တိာ်အဖီလာ်,
စံး၀ဲလၢ လၢတၢ်သိၣ်တၢ်သီအသီအဖီလာ်, ပှၤစွဲကသံၣ်မူၤ ဘှီးတဖၣ် တၢ်ကဆှၢအ၀ဲသ့ၣ်ဆူ ထံကီၢ်တၢ်ကူစါက သံၣ်မူၤဘှီး၀ဲၤလီၢ်ခွံဖျၢၣ်အ
ကျါ တဖျၢၣ်ဖျၢၣ်, လၢတၢ်ကဆှၢဆူဃိာ်ပူၤအလီၢ်လီၤ.

၀ဲၤကျိၤ တၢ်ဒုးအိၣ်ထီၣ်အီၤမဟိတနံၣ်အခီၣ်ထံး ဒ်သိးကကွၢ်ထွဲ တၢ်မၤဘၣ်ဃး တၢ်ကူစါပှၤစွဲကသံၣ်မူၤဘှီးအဂီၢ်လီၤ.

"ၡွ့ၤပၠံၤတၤ တၢ်ကူစါသးစၢ်စွဲကသံၣ်မူၤဘှီး၀ဲၤလီၢ် လၢပၠ့ၤကီၢ်ဆၣ်, ပကိကီၢ်ခီဒိၣ်, ဒီးၡွ့ၤပၠံၤတၢ်ကူစါသးစၢ်စွဲကသံၣ်မူၤဘှီး၀ဲၤ လီၢ် လၢဖဲခိၤကီၢ်ဆၣ်,
ယိၤဒိၣ်ကီၢ်စဲၣ်, လၢအပူၤကွံာ်အိၣ်လၢ လီၢ်ခၢၣ်သးကမံးတံာ်ဘၣ်ဃး တၢ်ပၢၤတၢ်သူကသံၣ်မူၤဘှီး အဖီ လၢာ်, တၢ်ကစိာ်ခီဆူ ပှၤဂ့ၢ်၀ီတၢ်ဆီၣ်
ထွဲမၤစၢၤ ဒီးတၢ်ဆီလီၤပာ်လီၤကိတိာ်, ဒီးကစးထီၣ်ကဒါက့ၤ တၢ်ကူစါတၢ်စွဲကသံၣ်မူၤ ဘှီးတၢ်မၤန့ၣ်လီၤ. ပ၀ဲၤကျိၤ ကျဲးစၢးဃုစ့ဘးကၠဲး
လၢပှၤမၤတၢ်ဖိအဂီၢ်, တၢ်သိၣ်လိအဂီၢ် ဒီးတၢ်သူၣ်ထီၣ်၀ဲၤလီၢ်အသီအဂီၢ် လီၤ." အ၀ဲဒၣ်စံး.

အခဲအံၤ တၢ်ကူစါတၢ်စွဲကသံၣ်မူၤဘှီး၀ဲၤလီၢ် အိၣ်ပာ်လၢ၀့ၢ်တကူၣ်, မါတလ့, လါၡိ, မၠံးကၠံနါ, ကဲၤတူ, တၣ်ခၠံၣ်လ့း, မၠး၀တံၣ်, ဒီး ကီးသီတဖၣ်လီၤ.