မိၣ်ထံရူၢ်ကီၢ်သဲးတၢ်အိၣ်ဖှိၣ်ခံဘျီတဘျီ တၢ်ကမၤအီၤဖဲလါမ့ၤအခီၣ်ထံးတနွံ ဒ်သိးတၢ်ကမၤန့ၢ်တၢ်အၢၣ်လီၤတူၢ်လိာ်လၢ မိၣ်ဒီက လုာ်ခၢၣ်စးပၣ်တံၣ် ဂံၢ်ခီၣ်ထံးတၢ်သူၣ်လီၤဆီလီၤတၢ်ဘျၢအဂီၢ်လီၤ.

ဖဲမိၣ်ဒီကလုာ်ပၣ်တံၣ် တၢ်မၤထွဲကရူၢ် ကမျၢၢ်တၢ်အိၣ်ဖှိၣ် တၢ်မၤအီၤဖဲအ့ဒ့သ၀ီဖဲလါမးၡး ၃၀ အဆၢကတီၢ်, နဲၤတၤလၤညံၤ စံး၀ဲ, "တၢ်မၤပာ် တၢ်ရဲၣ်တၢ်ကျဲၤလၢ တၢ်ကမၤမိၣ်ထံရူၢ်ကီၢ်သဲးတၢ်အိၣ်ဖှိၣ်ခံဘျီတဘျီ ဖဲလါမ့ၤအခီၣ်ထံးတနွံလီၤ."

အပူၤကွံာ်မိၣ်ထံရူၢ်ကီၢ်သဲးတၢ်အိၣ်ဖှိၣ် ပာ်လီၤ၀ဲတၢ် ဆၢကတီၢ်သၢလါလၢ တၢ်ကကွဲးပာ်လီၤဂံၢ်ခီၣ်ထံး တၢ်ဘျၢအဂီၢ်, ဒီးတၢ်ဆှၢလံလံာ်ဆူမိၣ်ထံရူၢ်ကီၢ်သဲး ပၣ်တံၣ်တဖၣ် ဒီးကွဲမုာ်အ၀ဲသ့ၣ်လၢကဟဲထီၣ် မိၣ်ဒီ ကလုာ်ခၢၣ်စးပၣ်တံၣ် တၢ်မၤထွဲအဂီၢ်လီၤ.

ပှၤ ၂၁ ဂၤတၢ်မၤထွဲကရူၢ် ဒီးပှၤ ၁၉ ဂၤတၢ်ကွၢ်ထွဲ ကရူၢ် တၢ်ဒုးအိၣ်ထီၣ်အီၤဖဲ မိၣ်ထံရူၢ်ကီၢ်သဲးတၢ်အိၣ် ဖှိၣ်အဆိကတၢၢ်တဘျီအဆၢကတီၢ် ဒ်သိးတၢ်ကဒုး အိၣ်ထီၣ် မိၣ်ဒီကလုာ်ခၢၣ်စးထံရူၢ်ကီၢ်သဲးပၣ်တံၣ်အ ဂီၢ်လီၤ.

မိၣ်ထံရူၢ်ကီၢ်သဲးတၢ်အိၣ်ဖှိၣ်အဆိကတၢၢ်တဘျီ တၢ်မၤအီၤဖဲ စၤစနၤ ၂၅၀၀ တၢ်သူၣ်ထီၣ်ဖဲတီၤယိၤတဲ, မီၣ်လ်မၠဲၣ် ဖဲလါယနူၤ အါရံၤ ၁၃-၁၄ လီၤ.