တၢ်ကွဲးပာ်လီၤတၢ်သိၣ်တၢ်သီဘၣ်ဃး တၢ်ကကွၢ်ထွဲပာ်ကီၤ ကီၢ်ပယီၤဟီၣ်ခိၣ်ဖိလာ်ထံ ဒီးတၢ်မုၢ်လၢ်၀ဲလၢတၢ်သိၣ်တၢ်သီအံၤတၢ် ကမၢန့ၢ်မၤထွဲအီၤ ဆူညါတယံာ်ဘၣ်လီၤ, အဂ့ၢ် အူဘးၡွ့ၤ လၢအမ့ၢ်ပှၤဟ့ၣ်ကူၣ်တၢ်လၢ တၢ်သူၣ်ထီၣ်ဘှီထီၣ်ကိတိာ် ဒီးဒီကလုာ် ထံဂံၢ်ထံးကံၢ်စီကမံးတံာ် စံး၀ဲလီၤ.

"ပစးထီၣ်ဒုးအိၣ်ထီၣ်တၢ်သိၣ်တၢ်သီ၀ဲအံၤ စးထီၣ်လၢ ၂၀၁၄ ဃုာ်ဒီးပဒိၣ်၀ဲၤကျိၤ ဒီးပှၤသ့ပှၤဘၣ်တဖၣ်, ဘၣ်တၢ်တီခိၣ်ရိၣ်မဲအီၤ လၢ၀့ၢ်ပူၤဒီး ဟံၣ်ဃီတၢ်လဲၤထီၣ်လဲၤထီ၀ဲၤကျိၤ, ဒီးခဲအံၤပကွဲးပာ်လီၤန့ၢ်တၢ်သိၣ်တၢ်သီ နွံခါတခါလံလီၤ. တၢ်ကဆှၢအီၤဆူကိ တိာ်ကရၢ ဒီးသဲစးဘျီၣ်ဒိၣ်လီၤ.

သဲစးဘျီၣ်ဒိၣ်ကမံးတံာ်သမံသမိးဆိမိၣ်၀ဲလၢ တၢ်သိၣ်တၢ်သီအံၤဂ့ၤ, ဒီးတၢ်ကဃ့တၢ်ဟ့ၣ်ကူၣ်ဟ့ၣ်ဖးလၢကမျၢၢ်အိၣ်လီၤ. ယမုၢ် လၢ်လၢကမ့ၢ်တယံာ်ဘၣ်လီၤ." အ၀ဲဒၣ်စံး၀ဲဖဲမုၢ်ဒဲးအနံၤလီၤ. ပှၤသ့ပှၤဘၣ်တဖၣ် ဘၣ်ယိၣ်တၢ်ဘၣ်ဃး တၢ်စူးသ၀ံးထီၣ်ထံအါ လၢဟီၣ်ခိၣ်ဖီလာ်, လီၤဆီဒၣ်တၢ်လၢ၀့ၢ်တကူၣ် ၀့ၢ်ပူၤတၢ်လဲၤထီၣ်လဲၤထီချ့ထံထၣ်စွ့အလီၢ် တၢ်ဘၣ်ယိၣ်အိၣ်လၢထံဟီစုၢ်နုာ် လီၤလၢထံဘျါအကျါလီၤ.

ပဒိၣ်လံာ်တၢ်ကစီၣ် Global New Light of Myanmar စံး၀ဲလၢ ကီၢ်ပယီၤဒ်အမ့ၢ်ထံကီၢ်လၢဒိးသန့ၤသးလၢတၢ်သူၣ်တၢ်ဖျးအသိး တၢ်သူထံလၢတၢ်သူၣ်တၢ်ဖျးသနၢၣ်အဂီၢ်မ့ၢ် ၉၀% ဒီး ၂၀% ဃၣ်ဃၣ်မ့ၢ်လၢစဲးဖီကဟၣ်တၢ်မၤအဂီၢ်လီၤ.

တၢ်သူထံခဲလၢာ်လၢထံကီၢ်ဒီတဘ့ၣ် မ့ၢ်ထဲယဲၢ်မျးကယၤဧိၤလၢ ထံကီၢ်အထံခဲလၢာ်အကျါလီၤ, အ၀ဲဒၣ်စံး.

ပှၤသ့ပှၤဘၣ်တဖၣ်စံး၀ဲ တၢ်သူဟီၣ်လာ်ထံလၢဆၢကတီၢ်ခဲအံၤ တတုၤဒံးလၢတၢ်လီၤဘၣ်ယိၣ်အပတီၢ်ဘၣ်ဆၣ်, တၢ်ကဘၣ်ဆိ ကမိၣ်အီၤ ဒ်သိးတၢ်ကရဲၣ်ကျဲၤတၢ်လၢဆူညါအဂီၢ်လီၤ.