ခီဖျိထံကီၢ်ပဒိၣ်ဟ့ၣ်စ့ပာ်ကီၤအဃိလူၢ်ကွဲ-မဲၢ်သရီကဝီၤဟီၣ်သရီအတိၤလၢတၢ်ဘှီထီၣ်လံအီၤအံၤအိၣ်ထီၣ်ဝဲဖဲကညီကီၢ်စဲၣ်,ကီးတရံးကီၢ်ဆၣ်အပူၤန့ၣ်လီၤ.
ပဒိၣ်တၢ်သူၣ်ထီၣ်ဘှီထီၣ်ကိတိာ်ဝဲၤကျိၤ ကီးတရံးကီၢ်ဆၣ်တၢ်ဘှီထီၣ်တိၤတၢ်ရဲၣ်တၢ်ကျဲၤလီၤဆီကရူၢ်(၂) ဟံထီၣ်ဝဲမူဒါဒီးစးထီၣ်ဘှီထီၣ်လံတိၤအံၤဖဲလါယ
နူၤအါရံၤအခီၣ်ထံးတနွံန့ၣ်လီၤ.
တိၤအထီအိၣ်ဝဲ ၉၂၀ ပ့ၣ်,အလဲၢ်အိၣ်ဝဲ၂၄ ပ့ၣ်လၢဘၣ်တၢ်တ့အတၢၣ်လၢအၣ်စံၣ်ဒီးတၢ်စၢဃာ်လၢထးအံၤတီတၢ်ဃၢန့ၢ်ဝဲ၆၀တၣ်န့ၣ်လီၤ.ဒီးတၢ်ဘှီထီၣ်တိၤအံၤက
ဝံၤဝဲဒၣ်လၢသၢနံၣ်အကတီၢ်,ပှၤဘှီ တိၤတၢ်ရဲၣ်တၢ်ကျဲၤလီၤဆီကရူၢ်(၂)ပှၤဘၣ်မူဘၣ်ဒါ အူတ့ၣ်လဲၣ်ကိၣ်ကိၣ်စံးဝဲဒၣ်န့ၣ်လီၤ.

အူတ့ၣ်လဲၣ်ကိၣ်ကိၣ်စံးဘၣ်ခ့ၣ်အၣ်စံၣ်လၢ,“တိၤလၢတၢ်ကဘှီအီၤအံၤကဘၣ်ဝံၤဝဲဒၣ်လၢသၢနံၣ်အတီၢ်ပူၤဒီးအခဲအံၤတၢ်စးထီၣ်ဘှီထီၣ်လံအီၤလံ”န့ၣ်လီၤ.တၢ်ဘှီထီၣ်ဝဲဟီၣ်
သရီတိၤအံၤအတၢ်မုၢ်လၢ်ကွၢ်စိအိၣ်လၢဒူသဝီဖိဖဲန့ၣ်သ့ၣ်တဖၣ်လၢအတၢ်လဲၤထီၣ်က့ၤလီၤကညီအဂီၢ်,ဒီးလၢတၢ်ကူၣ်ဘၣ်ကူၣ်သ့,တၢ်အိၣ်ဆူၣ်အိၣ်ချ့,ပှၤဂ့ၢ်ဝီဒီးတၢ်ကူၣ်
ပနံာ်တၢ်ကၤအဂီၢ်မ့ၢ်ဂ့ၤကကဲထီၣ်ဝဲတၢ်ဘျုးတၢ်ဖှိၣ်န့ၣ်လီၤ.
လၢတၢ်လၢာ်ဘူၣ်လၢာ်စ့အဂီၢ်တၢ်တယာ်ပာ်လီၤဝဲစ့အကကွဲၢ်ခံကထိကၠးအဂ့ၢ်ကညီကီၢ်စဲၣ်ဝံစိာ်တီဆှၢပှၤဘၣ်မူဘၣ်ဒါပဒိၣ်ခီၣ်ပၣ်တီၣ်စံးဝဲဒၣ်န့ၣ်လီၤ.လၢကီးတရံး ကီၢ်ဆၣ်ပှၤရီၢ်ကဲသဝီဖိမါသ့စီၣ်စံးဝဲလၢ,“တၢ်ဘှီထီၣ်တိၤအဝဲအံၤကဲဘျုးဝဲဒၣ်လၢပှၤအိၣ်ဖဲအံၤသ့ၣ်တဖၣ်အဂီၢ်လီၤ.တုၤတၢ်ဘှီထီၣ်တိၤအဝဲအံၤမ့ၢ်ဝံၤဒီးပအဲၣ်ဒိးလဲၤဘၣ်တၢ်
ဘျ့ဘျ့ဆှီဆှီန့ၣ်လီၤ.တၢ်မ့ၢ်တထၢတၢ်ခိတၢ်သွဲတၢ်ဘူးတၢ်လဲဘၣ်န့ၣ်ကဂ့ၤဒိၣ်တက့ၢ်လီၤ.”
တၢ်ဘှီထီၣ်တိၤအံၤအလီၢ်ခံမ့ၢ်ကဲထီၣ်တၢ်ဘျုးတၢ်ဖှိၣ်လၢသဝီဖိအဂီၢ်ဒၣ်လဲာ်သိလ့ၣ်ဒီးသိလ့ၣ်ယီၢ်သ့ၣ်တဖၣ်လၢတၢ်သူဝဲတိၤအံၤအဖီခိၣ်တၢ်မ့ၢ်ထၢအဘူးအလဲတလၢ
ကွံာ်အခၢးဒီးကဲထီၣ်စ့ၢ်ကီးတၢ်ကီတၢ်ခဲလၢပှၤအိၣ်ဖဲအံၤသ့ၣ်တဖၣ်အဂီၢ်အဂ့ၢ်မါသ့ စီၣ်စံးဝဲန့ၣ်လီၤ.
လၢကီးတရံးကီၢ်ဆၣ်အပူၤဖဲ၂၀၁၃နံၣ်အကတီၢ်ကၠဲးဒိကျိတိၤလၢတၢ်ဘှီထီၣ်အီၤဒ်သိးအံၤန့ၣ်လၢတၢ်လဲၤထီၣ်က့ၤလီၤအဂီၢ်တၢ်စးထီၣ်သူအီၤလံန့ၣ်လီၤ.လၢအပူၤကွံာ်
ဟီၣ်သရီထံကျိဒီတဘိအပူၤပှၤလၢအိၣ်ဖဲဟီၣ်ကဝီၤပူၤတဖၣ်သူဝဲဒၣ်ချံလၢတၢ် လဲၤထီၣ်လဲၤလီၤအဂီၢ်နီၢ်တဂၤချံလဲမ့ၢ်ဝဲ ၁၂၀၀ ကၠးန့ၣ်လီၤ.