ပဒိၣ်ရဲၣ်ကျဲၤပာ်စၢၤဝဲလၢကမၤတၢ်အိၣ်ဖှိၣ်ဒီးထံရူၢ်ကီၢ်သဲးကရူၢ်ခိၣ်နၢ်တဖၣ်ဒီးကလုာ်ဒူၣ်ဖီၣ်စုကဝဲၤကရူၢ်တဖၣ်ဖဲဝ့ၢ်ကံၢ်မဲ,ကီၢ်ကၠီၣ်တဲၣ်တချုးလၢလါဒံၣ်စဲဘၢၣ်ဒ်သိးကတၢၣ်ပီၣ်သကိးဝဲတၢ်မုာ်တၢ်ခုၣ်အကျိၤအကျဲအဂီၢ်န့ၣ်လီၤ.

တၢ်တိာ်ကျဲၤအံၤဘၣ်တၢ်ပာ်ဂၢၢ်ပာ်ကျၢၤအီၤခီဖျိကိတိာ်ခိၣ်အီၣ်မ့,ဖဲလၢအကတိၤလီၤတၢ်ဖဲအပူၤကွံာ်တနံၤကိ တိာ်ခိၣ်ဒီးထံရူၢ်ကီၢ်သဲးကရူၢ်ခၢၣ်စးတဖၣ်အတၢ်အိၣ်ဖှိၣ်ဖဲကီၢ်ပယီၤတၢ်မုာ်တၢ်ခုၣ်လီၢ်ခၢၣ်သးန့ၣ်လီၤ.

ဖဲလၢတၢ်အိၣ်ဖှိၣ်အကတီၢ်,အီၣ်မ့ဟ့ၣ်ဒုးသ့ၣ်ညါတၢ်ဘၣ်ဃးပဒိၣ်ဒီးကလုာ်ဒူၣ်ဖီၣ်စုကဝဲၤကရူၢ်အဘၢၣ်စၢၤတၢ် တၢၣ်ပီၣ်သကိးတၢ်လၢဘၣ်တၢ်မၤအီၤဖဲလဲစၣ်(Laiza),ကခၠ့ၣ်ကီၢ်အံၤအိၣ်ဒီးတၢ်လဲၤထီၣ်လဲၤထီဒ်လဲၣ်အဂ့ၢ်န့ၣ် လီၤ. အဝဲစံးဝဲလၢပဒိၣ်အံၤအိၣ်ဒီးတၢ်တိာ်ကျဲၤလၢကမၤဝဲဆူညါတဘျီတၢ်အိၣ်ဖှိၣ်အံၤဖဲဝ့ၢ်ကံၢ်မဲ,ကီၢ်ကၠီၣ်တဲၣ် ဖဲ(UNFC)အိၣ်တၢ်လီၢ်န့ၣ်လီၤ.

ပဒိၣ်တိာ်ပာ်ဝဲလၢကဆှၢလီၤဝဲကလုာ်ဒူၣ်ကရူၢ်ဒီးထံရူၢ်ကီၢ်သဲးကရူၢ်ခၢၣ်စးတဖၣ်ဆူဝ့ၢ်ကံၢ်မဲလၢတၢ်ကမၤတၢ်အိၣ် ဖှိၣ်ဒီး (UNFC)အဂီၢ်န့ၣ်လီၤ.

အီၣ်မ့စံးဝဲ,“ပတအိၣ်ဒီးတၢ်ပာ်ပနီၣ်ဃာ်တၢ်ဂ့ၢ်တဖၣ်လၢထံရူၢ်ကီၢ်သဲးကရူၢ်ခိၣ်နၢ်ဒီးကလုာ်ဒူၣ်ဖီၣ်စုကဝဲၤကရူၢ်တဖၣ်ကတၢၣ်ပီၣ်ဝဲဘၣ်န့ၣ်လီၤ. ပှၤခဲလၢာ်တၢၣ်ပီၣ်သကိးတၢ်ပှဲၤဒီးတၢ်သဘျ့သ့ဝဲန့ၣ်လီၤ. တၢ်ကဆှၢလီၤဝဲထံရူၢ် ကီၢ်သဲးကရူၢ်သ့ၣ်တဖၣ်ဆူ(UNFC) အလီၢ်ခၢၣ်သးန့ၣ်လီၤ.”

တၢ်ဟ့ၣ်ထီၣ်ဝဲတၢ်ထံၣ်ဒ်လဲၣ်ဂ့ၤဒ်လဲၣ်ဂ့ၤဘၣ်ဆၣ်ပဒိၣ်ကဘၣ်ထုးထီၣ်ဟ့ၣ်လီၤတၢ်ကွဲမုာ်မူးမူးနီၢ်နီၢ်လၢတၢ်တၢၣ် ပီၣ်သကိးတၢ်ဖဲကီၢ်ကၠီၣ်တဲၣ်ပူၤအဂီၢ်အံၤန့ၣ်လီၤ.