ကီၢ်စၢဖှိၣ်တၢ်ဃုထၢအခီၣ်မံးရှၢၣ်ထုးထီၣ်ဘိးဘၣ်သ့ၣ်ညါရၤလီၤဝဲမုၢ်နံၤမုၢ်သီဒီးပှၤဃုထၢတၢ်ဖိအမံၤစရီ

...

ကီၢ်စၢဖှိၣ်တၢ်ဃုထၢအခီၣ်မံးရှၢၣ်ထုးထီၣ်ဘိးဘၣ်သ့ၣ်ညါရၤလီၤဝဲမုၢ်နံၤမုၢ်သီဒီးပှၤဃုထၢတၢ်ဖိအမံၤစရီ

The Global New Light of Myanmar, 20 Jun 2015

URL: http://issuu.com/yelay/docs/20_june_15_gnlm
ဖဲလါယူၤ(၁၉)သီလၢန့ၣ်ပၠံၣ်ဒီၤဝ့ၢ်,ဖဲမုၢ်ဖီဖးအနံၤန့ၣ်ကီၢ်စၢဖှိၣ်ဖှိၣ်တၢ်ဃုထၢအခီၣ်မံးရှၢၣ်ထုးထီၣ်ရၤလီၤဝဲမုၢ်နံၤမုၢ်သီအစရီဒီးတၢ်လီၢ်တၢ်ကျဲလၢ
တၢ်ဘိးဘၣ်သ့ၣ်ညါဝဲပှၤအမံၤစရီလၢအိၣ်ဒီးတၢ်ခွဲးတၢ်ယာ်လၢကဃုထၢတၢ်လၢ(၂၀၁၅)နံၣ်လၢကီၢ်ဒီတဘ့ၣ်တၢ်ဟ့ၣ်တၢ်ဖးအမူးအဂီၢ်န့ၣ်လီၤ.

ပှၤဟ့ၣ်တၢ်ဖးအစရီကဘၣ်တၢ်ဘိးဘၣ်ရၤလီၤအီၤလွံၢ်ဘျီလၢရူသ့ၣ်တဖၣ်ဒ်အမ့ၢ်ဝဲကဝီၤဒ့ဒီးဒူသဝီတၢ်ဃုထၢခီၣ်မံးရှၢၣ်အဒ့လၢကီၢ်ရ့ၣ်ခဲလၢာ်လၢ
အအိၣ်ဝဲလၢကခၠ့ၣ်,ရၢၣ်ခၢၣ်,ယိၤဒိၣ်(ကလံၤစိး)ဒီးယိၤဒိၣ်(မုၢ်ထီၣ်)ဒီး အ့ၣ်ယၣ်ဝဒံၣ်ဟီၣ်ကဝီၤ,တီအူ,သၣ်ယၣ်ဝဒံၤဒီးပၠ့ၣ်ကီၢ်ရ့ၣ်လၢအိၣ်လၢပ
ကိဟီၣ်ကဝီၤ,ကသၣ်,ကလ့,မီၤလဲး,ဒီးကၣ်တံၣ်ကီၢ်ရ့ၣ်ဒီးနၣ်ကးလၢနီၢ်ကစၢ်ပၢလီၤသးဟီၣ်ကဝီၤလီၤဆီလၢအိၣ်လၢစကဲဟီၣ်ကဝီၤအပူၤဒီးကီၣ်သီ
ကီၢ်ရ့ၣ်လၢအိၣ်လၢတနီသရံၣ်ဟီၣ်ကဝီၤဒီးဝ့ၢ်အိၣ်ဒံး(၂၁)ဖျၢၣ်လၢအိၣ်ဝဲဒၣ်လၢဝ့ၢ်တကူၣ်ဟီၣ်ကဝီၤအပူၤသ့ၣ်တဖၣ်အံၤကစးထီၣ်ဝဲလၢလါယူၤ
(၂၂)သီတုၤလၢလါယူၤလံ(၅)သီ(၂၀၁၅)နံၣ်န့ၣ်လီၤ.

ပှၤဟ့ၣ်တၢ်ဖးအမံၤအသၣ်မ့ၢ်တဖျါထီၣ်လၢစရီအပူၤဘၣ်န့ၣ်ကဘၣ်ကွဲးတီၣ်ထီၣ်ဝဲလံာ်အဒိနီၣ်ဂံၢ်(၃),လံာ်ဘိးဘၣ်ရၤလီၤအပူၤပာ်ဖျါထီၣ်တ့ၢ်ဝဲဒၣ်
န့ၣ်လီၤ.ဖဲလၢတၢ်ပာ်ဖျါထီၣ်စရီအပူၤတၢ်ဂ့ၢ်တၢ်ကျိၤမ့ၢ်တဘၣ်တခီကဘၣ်ကွဲးတီၣ်ထီၣ်ဝဲလံာ်အဒိနီၣ်ဂံၢ်(၄-c)န့ၣ်လီၤ.ပှၤကနုာ်လီၤဃုထၢထီၣ်လၢ
ပှၤဂၤအလီၢ်လၢတမ့ၢ်အနီၢ်ကစၢ်ဒၣ်ဝဲ,ဒ်သိးဒီးလၢလံာ်အဒိနီၣ်ဂံၢ်(၄)အသိးပှၤလၢအသံမ့တမ့ၢ်ပှၤအိၣ်လၢဃိၣ်ပူၤသ့ၣ်တဖၣ်န့ၣ်လီၤ.

ပှၤတဂၤလၢ်လၢ်လၢဟဲကွၢ်တၢ်သ့ၣ်တဖၣ်အမံၤကဘၣ်တၢ်ထၢနုာ်အီၤလၢပှၤဟ့ၣ်တၢ်ဖးအမံၤစရီလၢအိၣ်ဆိးတၢ်လီၢ်တၢ်ကျဲလီၤတံၢ်လၢအဝဲသ့ၣ်ကွဲး
တီၣ်ထီၣ်ဝဲဟံၣ်ဖိဃီဖိတၢ်ဆဲးလီၤမံၤစရီလံာ်အဒိနီၣ်ဂံၢ်(၆၆/၆)အပူၤန့ၣ်လီၤ.ထံရူၢ်ကီၢ်သဲးပၣ်တံၣ်ကြၢးပာ်ဖှိၣ်မၤသကိးတၢ်ဒီးကီၢ်စၢဖှိၣ်တၢ်ဃုထၢ
အခီၣ်မံးရှၢၣ်လၢကမၤစၢၤဝဲပှၤဟ့ၣ်တၢ်ဖၣ်ဒ်သိးကဆဲးလီၤဝဲဒၣ်အမံၤဘၣ်ဘျိးဘၣ်ဒါဒီးဒ်သိးကအိၣ်ဒီးပှၤဟ့ၣ်တၢ်ဖးအမံၤစရီလၢလၢပှဲၤပှဲၤအဂီၢ်,
လံာ်ဘိးဘၣ်ရၤလီၤအပူၤပာ်ဖျါထီၣ်တ့ၢ်ဝဲဒၣ်န့ၣ်လီၤ.