ကရူၢ်ဆဲး NCA တၢ်အၢၣ်လီၤအဖုတဆံအတၢ်ထံၣ်လိာ်အသး, တၢ်မုၢ်လၢ်ဝဲလၢအဝဲသ့ၣ်ကမၤတၢ်ဆၢတဲာ်ဘၣ်ဃး မ့ၢ်အကဆဲး လဲၤမ့တမ့ၢ်
ကမၤဖှၣ်ကွံာ် တၢ်မုာ်တၢ်ခုၣ်တၢ်မၤကျဲ တၢ်တီခိၣ်ရိၣ်မဲကရူၢ် Peace Process Steering Team (PPST) န့ၣ်လဲၣ်လီၤ.

ခၢၣ်စးလၢကလုာ်ဒူၣ်ဖီၣ်စုကဝဲၤကရၢအဖုတဆံ လၢအဆဲးကီၢ်ပ ယီၤထံကီၢ်ဒီဘ့ၣ်တၢ်ပတုာ်တၢ်ခးတၢ်အၢၣ်လီၤ Nationwide Ceasefire
Agreement (NCA) တဖၣ်, ထံၣ်လိာ်အသးဖဲဝ့ၢ် ကံၣ်မဲ, ကီၢ်ကၠီၣ်တဲၣ်, တနွံအံၤဒ်သိးကဆၢတဲာ်ဘၣ်ဃး PPST ခါ ဆူညါအဂီၢ်လီၤ.

ဒ်တၢ်ကစီၣ်ဟဲလၢကလုာ်ဒူၣ်ဖီၣ်စုကဝဲၤကရၢ စံးဝဲအသိး, ကရၢ ဆဲး NCA တၢ်အၢၣ်လီၤတၢ်အိၣ်ဖှိၣ် ကစးထီၣ်တနံၤအံၤတုၤလၢ ခံတနွံမုၢ်ဆၣ်
(လါယူၤ ၅-၁၀) လီၤ.

"လီၢ်ခၢၣ်သးပၢဆှၢတၢ်ကမံးတံာ်ကရၢဖိလၢ ကလုာ်ဒူၣ်ဖီၣ်စုကဝဲၤကရၢ ဆဲး NCA တၢ်အၢၣ်လီၤအဖုတဆံ, ကထံၣ်လိာ်အသး လၢဝ့ၢ်ကံၣ်မဲလီၤ.
ခၢၣ်စးတဂၤလၢကရူၢ်တဖုစုာ်စုာ် ကထီၣ်တၢ်အိၣ်ဖှိၣ်လီၤ." ခိၣ်စဲ, လၢအမ့ၢ်ပှၤဟ့ၣ်ကူၣ်တၢ်လၢကရူၢ်တဖု တၢ် သူၣ်ထီၣ်ယိၤဒိၣ်ကီၢ်စဲၣ်ကီၣ်ကးကရၢ, စံးဘၣ်
SHAN တၢ်ကစီၣ်လီၤ.

ခိၣ်စဲစံးဝဲလၢ လၢတၢ်ဂ့ၢ်ဘၣ်ဃးတၢ်ကမၤတၢ်မနုၤဒီး PPST အမဲာ်ညါ, ခၢၣ်စးတဖၣ်ကတၢၣ်ပီၣ်စ့ၢ်ကီး NCA အဂ့ၢ်, ဒီးမ့ၢ်တၢ်က ဘၣ် မ့တမ့ၢ်
တဘၣ်ထံၣ်ဒီး ပဒိၣ်ဒီကလုာ်တၢ်ဃူလိာ်ဖိးလိာ်က့ၤဒီးတၢ်မုာ်တၢ်ခုၣ်ဝဲၤလီၢ် National Reconciliation and Peace Center
(NRPC) လၢဘၣ်တၢ်တီခိၣ်ရိၣ်မဲအီၤလၢ ထံကီၢ်ပှၤကူၣ်လိာ်တၢ် အီၣ်ဆါစူးကၠံၣ်န့ၣ်လီၤ.

ကညီဒီကလုာ်စၢဖှိၣ်ကရၢ အခီၣ်ထံးစံးဝဲလၢကထုးကွံာ်အသးလၢ ကီၢ်ပယီၤသုးမုၢ်သ့ၣ်ညါပာ်ပနီၣ် PPST ဒီးကဒုးအိၣ်ထီၣ် PPCM
ဖဲကလုာ်ဒူၣ်ဖီၣ်စုကဝဲၤကရူၢ် ဆဲး NCA တၢ်အၢၣ်လီၤ တၢ်အိၣ်ဖှိၣ်လွံၢ်ဘျီတဘျီ လၢတၢ်မၤအီၤလၢကံၣ်မံဖဲလါမ့ၤ ၁၄-၁၈ အခါလီၤ.

ကလုာ်ဒူၣ်ဖီၣ်စုကဝဲၤကရူၢ်ခိၣ်နၢ် လၢအထီၣ်တၢ်အိၣ်ဖှိၣ်ဖးဒိၣ်တဖၣ် အၢၣ်လီၤသကိးဝဲလၢကဃုသကိးတၢ်အစၢလၢပှၤအါဂၤ တူၢ်လိာ်ဝဲသ့ လၢက
ဘှါၡဲတၢ်ဂ့ၢ်ကီလၢ အဒုးအိၣ်ထီၣ်တၢ်ကတာ်ထီသးလၢ တၢ်မုာ်တၢ်ခုၣ်ကျဲန့ၣ်အဂ့ၢ်လီၤ.