ထံကီၢ်ပှၤကူၣ်လိာ်တၢ် ဒီၢ်အီၣ်ဆါစူးကၠံၣ် ထံၣ်လိာ်သးတစိၢ်ဖိဒီး ကညီဒီကလုာ်စၢဖှိၣ်ကရၢ ကရၢခိၣ်ဖဲမုၢ်ပျဲၤနံၤ, လၢအဆိက တီၢ်ဃာ် တၢ်နုာ်လီၤပၣ်ဃုာ်လၢတၢ်မုာ်တၢ်ခုၣ်တၢ်လဲၤကျဲ လၢ တစိၢ်တလီၢ် ဖဲအပူၤကွံာ်တယံာ်ဘၣ်န့ၣ်လီၤ.
တၢ်ထံၣ်လိာ်သးမၤအသးဖဲ တၢ်အိၣ်ဘှံးအိၣ်သါလၢ တၢ်ထံၣ် လိာ်တၢၣ်ပီၣ်ဘၣ်ဃးတၢ်မုာ်တၢ်ခုၣ်တၢ်အိၣ်ဖှိၣ် တၢ်မၤအီၤဖဲန့ၢ်ပၠံၣ် ဒီၣ််, လၢထံကီၢ်ပှၤကူၣ်လိာ်တၢ် ဒီးကညီဒီကလုာ်စၢဖှိၣ်က ရၢကရၢခိၣ် စီၤမူၤတူစ့ဖိ ခံဂၤလၢာ်တဲလီၤတၢ်န့ၣ်လီၤ.

"ကညီဒီကလုာ်စၢဖှိၣ်ကရၢ ကရၢခိၣ် ဒီးဒီၢ်အီၣ်ဆါစူးကၠံၣ် ထံၣ် လိာ်အသးတစိၢ်ဖိ ဖဲတၢ်အိၣ်ဘှံးအိၣ်သါလၢတၢ်အီလးဖးထံအ ဂီၢ်အကတီၢ်လီၤ. အ၀ဲသ့ၣ်တတၢၣ်ပီၣ်သကိး တၢ်ဂ့ၢ်လီၤတိၢ် လီၤဆီနီတမံၤဘၣ်, ဘၣ်ဆၣ်ဆၢဂ့ၤဆၢ၀ါလိာ်အသး ဒီးက တိၤသကိးဒ်ညီနုၢ်အသိးလီၤ." ပဒိၣ်မါည့မီၣ်, လၢအမ့ၢ်နဲၢ်ရွဲၣ် ခိၣ်ကျၢၢ်ခံဂၤတဂၤလၢ ကညီဒီကလုာ်စၢဖှိၣ်ကရၢ လီၢ်ခၢၣ်သး ပၢဆှၢတၢ်ကမံးတံာ်အပူၤ, စံး၀ဲလီၤ. "အ၀ဲသ့ၣ်တတဲတၢ်ဘၣ် ဃးထံရူၢ်ကီၢ်သဲးအဂ့ၢ်နီတမံၤဘၣ်."

တၢ်ထံၣ်လိာ်အသးအံၤ မ့ၢ်တၢ်အဆိကတၢၢ်တဘျီလၢ ထံကီၢ် ပှၤကူၣ်လိာ်တၢ် ဒီးကညီဒီကလုာ်စၢဖှိၣ်ကရၢအခိၣ်အဘၢၣ်စၢၤ စးထီၣ်လၢ ကညီဒီကလုာ်စၢဖှိၣ်ကရၢ ဆၢတဲာ်၀ဲဖဲအပူၤကွံာ်တလါ လၢကထုးထီၣ်အသးလၢ တၢ်မုာ်တၢ်ခုၣ်တၢ်မၤကျဲ လၢတစိၢ် တလီၢ်အဂီၢ် ၀ံၤအလီၢ်ခံလီၤ. ကညီဒီကလုာ်စၢဖှိၣ်ကရၢမ့ၢ် ကလုာ်ဒူၣ်ဖီၣ်စုက၀ဲၤကရူၢ်လၢအဂံၢ်ဆူၣ်ဘါဆူၣ်တဖု လၢကီၢ်အပူၤ လီၤ.

ပှၤကွၢ်ထံပဲာ်ဖးနီၤဖးတၢ်တဖၣ်စံး၀ဲ, တၢ်ထံၣ်လိာ်အံၤမ့ၢ် တၢ်အူသဖှိနုာ်က့ၤတၢ်မုၢ်လၢ်တခါ လၢတၢ်တဲသကိးတၢ်မုာ်တၢ်ခုၣ်တၢ် မၤ လၢပဒိၣ်စးထီၣ်တ့ၢ်၀ဲ ဒီးလဲၤအသးကပံၢ်ပံၢ်ကပၢ်ပၢ် ဒီးတၢ်လဲၤထီၣ်လဲၤထီအဒိၣ်အမုၢ်တ အိၣ်နီတမံၤ လၢအပူၤကွံာ်ခံနံၣ်အ တီၢ်ပူၤလီၤ.

ခံသီတချုးလၢတၢ်ထံၣ်လိာ်တၢၣ်ပီၣ်တၢ်အိၣ်ဖှိၣ်လၢန့ၢ်ပၠံၣ်ဒီၣ်, ပဒိၣ်ပှၤကတိၤတၢ်မုာ်တၢ်ခုၣ်ကရူၢ် ထံၣ်လိာ်အသးဒီးခၢၣ်စးလၢ ကရူၢ်အဖုတဆံလၢအဆဲး NCA တၢ်အၢၣ်လီၤဒီး ကရူၢ်တနီၤလၢတဆဲးတၢ်အၢၣ်လီၤတဖၣ်, ဖဲကံၣ်မဲ, ကီၢ်ကၠီၣ်တဲၣ်လီၤ.

အူစီၤထ့, လၢအမ့ၢ်ပှၤကတိၤတၢ်ပၢလၢ ကီၢ်ဒိၣ်၀ဲၤဒၢး, စံး၀ဲလၢတၢ်ထံၣ်လိာ်အသးကတၢၢ်၀ဲဒီး တၢ်ဘၣ်သူၣ်ဘၣ်သးလၢအဂ့ၤ အိၣ်ဒီးကရူၢ်ခဲလၢာ် မၤလီၤတံၢ်ကဒါက့ၤအ၀ဲသ့ၣ်တၢ်ပာ်လီၤသးကျၢၤမုဆု လၢကမၤန့ၢ်တၢ် မုာ်တၢ်ခုၣ်န့ၣ်လီၤ.

"ခံခီလၢာ် တၢၣ်ပီၣ်သကိး ကဘၣ်လဲၤဆူညါလၢ NCA အကျဲဒ်လဲၣ်အဂ့ၢ်လီၤ." အ၀ဲဒၣ်စံး.