ကယါဟီၣ်က၀ီၤပဒိၣ် တီခိၣ်ရိၣ်မဲခံသီတီၢ်ပူၤတၢ်ကူၣ်လိာ်သကိးတၢ် အိၣ်ဖှိၣ် ဒီးဘၣ်တၢ်ထီၣ်ဒိကနၣ်အီၤလၢခၢၣ်စး ၇၁ ဂၤလၢ ကမျၢၢ်ပှၤတ၀ၢတၢ်ကရၢကရိ, တၢ်ကစီၣ်သန့ယ ဒီးပဒိၣ်ခိၣ်နၢ်သ့ၣ်တဖၣ်လီၤ.

တၢ်ကူၣ်လိာ်သကိးတၢ်အိၣ်ဖှိၣ် ဘၣ်တၢ်တီခိၣ်ရိၣ် မဲမၤအီၤလၢ ကယါ ကီၢ်စဲၣ် တၢ်တိာ်ကျဲၤဒီးကျိၣ်စ့ဂ့ၢ်၀ီကိတိာ်, ဒီးမ့ၢ်တၢ်အဆိကတၢၢ်တဘျီလၢပဒိၣ်ကွဲမုာ် ကမျၢၢ်ပှၤတ၀ၢတ ဖၣ်ဒ်သိးကကွဲးပာ်လီၤတၢ်အလိၣ် ဆိလၢ ကီၢ်စဲၣ်စ့ဘးကၠဲးလၢကဟဲအဂီၢ်လီၤ. တၢ်ကူၣ်လိာ်အကတီၢ်ဟဲဖဲတၢ်ဆၢကတီၢ်ဂ့ၤအ ဆၢကတီၢ် လၢဘၣ်ဆၢၣ်ဘၣ်တီၤဒီးစ့ဘးကၠဲးတၢ်လဲၤတရံးသးနံၣ် အဆိကတၢၢ်တပတီၢ် န့ၣ်လီၤ.

တၢ်ကူၣ်လိာ်သကိးတၢ်အိၣ်ဖှိၣ် ဘၣ်တၢ်စးထီၣ်ဒီးရဲၣ်ကျဲၤမၤအီၤလၢ ကယါကီၢ်စဲၣ်စ့ဘးကၠဲးပှၤနဲၣ်တၢ် ဒ်အမ့ၢ်ပဒိၣ်အတၢ်ကျဲးစၢး လၢက ဆဲးမၤဒံးအပူၤကွံာ်တၢ်မၤလၢ ကဆီၣ်ထွဲတၢ်သူစ့လၢအိၣ်ဒီးတၢ်ထံၣ် သ့ကွၢ် ဖျါအကျဲ ဒီးကမျၢၢ်တၢ်နုာ်လီၤပၣ်ဃုာ်, လၢအပၣ်ဃုာ်၀ဲ တၢ်ပာ် ဖျါကမျၢၢ်စ့ဘးကၠဲးအဂ့ၢ်အကျိၤလၢအဆၢကတီၢ်ဘၣ်ဘၣ် ဒီးတၢ်ဟ့ၣ် တၢ်သိၣ်လိဘၣ်ဃးတၢ်သ့ၣ်ညါနၢ်ပၢၢ်စ့ဘး ကၠဲးအဂ့ၢ်အကျိၤတဖၣ်လီၤ.

ဒ်တၢ်သူစ့နံၣ်အတၢ်လဲၤတရံးလၢတၢ်ပာ်လီၤလၢအသီအသိး, တၢ်ဃ့ထီၣ်စ့ဘးကၠဲးသီလၢဒီကလုာ်ဖီလာ်ပတီၢ် တၢ်ကဘၣ်ထၢ ဖှိၣ်မၤန့ၢ်အီၤလၢကီၢ်ဆၣ်အပတီၢ် ဖဲလါယနူၤအါရံၤ ဒီးဖ့ၤဖီၤအါရံၤအဘၢၣ်စၢၤ, အခီပညီ မ့ၢ်၀ဲလၢ ကယါတၢ်ကူၣ်လိာ်သကိး တၢ်အိၣ်ဖှိၣ်အံၤမ့ၢ်တၢ်ဆၢကတီၢ်လၢ တၢ်ကပျဲထံဖိကီၢ်ဖိအကလုၢ် ကပၣ်ဃုာ်လၢတၢ်ဃ့ထီၣ်အပူၤ, အဆိကတၢၢ်တဘျီန့ၣ်လီၤ.

တၢ်ဃ့ထီၣ်အံၤ လၢခံတၢ်ကပၢနုာ်အီၤလၢစ့ဘးကၠဲးအဒရးအပူၤ, လၢတၢ်ကဒုးအိၣ်ထီၣ်အီၤခီဖျိ ကီၢ်စဲၣ်စ့ဘးကၠဲး၀ဲၤကျိၤဖဲလါ မ့ၤန့ၣ်လီၤ.