ကၠၤအ့စ့ၣ်ကၠံကီၢ်ဆၣ် ဒိးန့ၢ်စ့တၢ်မၤစၢၤ ၁၀, ၁၂၈ ကကၠဲၢ်ကၠး လၢပှၤတ၀ၢတီခိၣ်ရိၣ်မဲတၢ်လဲၤထီၣ်လဲၤထီတၢ်တိာ် ကျဲၤအကီၢ်

...

ကၠၤအ့စ့ၣ်ကၠံကီၢ်ဆၣ် ဒိးန့ၢ်စ့တၢ်မၤစၢၤ ၁၀, ၁၂၈ ကကၠဲၢ်ကၠး လၢပှၤတ၀ၢတီခိၣ်ရိၣ်မဲတၢ်လဲၤထီၣ်လဲၤထီတၢ်တိာ် ကျဲၤအကီၢ်

Karen Information Center, 13 Sep 2018

URL: https://www.bnionline.net/en/news/kyainseikgyi-township-receives-ks-10128-million-community-driven-development-project
ကညီကီၢ်စဲၣ် ကၠၤအ့စ့ၣ်ကၠံကီၢ်ဆၣ် ဒိးန့ၢ်စ့တၢ်မၤစၢၤ ၁၀,၁၂၈ ကကွဲၢ်ကၠး လၢပှၤတ၀ၢတီခိၣ်ရိၣ်မဲ တၢ်လဲၤထီၣ်လဲၤထီတၢ်တိာ် ကျဲၤ community driven development (CDD) အဂီၢ်, လၢတၢ် မၤထွဲသကိးအီၤလၢ ဟီၣ်ခိၣ်ဒီဘ့ၣ်စ့တၢး, တၢ်သူၣ်တၢ်ဖျးဒီးတၢ် ဟ့ၣ်ထံကိတိာ်, ဒီးခိခိၣ်ဒူသ၀ီတၢ်လဲၤထီၣ်လဲၤထီ၀ဲၤကျိၤအဘၢၣ် စၢၤ, လၢလွံၢ်နံၣ်တီၢ်ပူၤန့ၣ်လီၤ. အဂ့ၢ် ပှၤပၢဆှၢတၢ်တိာ်ကျဲၤ စံး ဘၣ် KIC တၢ်ကစီၣ်ဖဲလါစဲးပထ့ဘၢၣ် ၁၂ သီလီၤ.

"တၢ်ဒိးန့ၢ်စ့တၢ်မၤစၢၤခဲလၢာ် ၁၀,၁၂၈ ကကွဲၢ်ကၠး လၢလွံၢ်နံၣ်တၢ်တိာ်ကျဲၤအဂီၢ်လီၤ. ကရူၢ် ၁၀ ကရူၢ်ဆှၢနုာ်အတၢ်မၤတၢ်ရဲၣ် တၢ်ကျဲၤ ဒ်သိးကစးထီၣ်မၤနံၣ်လီၢ်ခံကတၢၢ်တၢ်တိာ်ကျဲၤ လၢသ၀ီ ၃၅၅ ဖျၢၣ်အပူၤ, လၢသ၀ီ ကရူၢ် ၅၀ ဖုအဖီလာ်လီၤ. စ့တၢ် ဆီၣ်ထွဲလၢသ၀ီကရူၢ် ၈ ဖုအဂီၢ်, ဟဲတုၤလံဖဲကီၢ်ပယီၤမုၢ်ကျိၤ၀ဲၤကွာ်စ့တၢးလီၤ. သ၀ီဖိတဖၣ်တလိၣ်ဟ့ၣ်ကဒါက့ၤစ့ဘၣ်. စ့ တၢ်မၤစၢၤတဖၣ်တၢ်ဟ့ၣ်လီၤ

ဒ်သိးကမၤပှဲၤန့ၢ်တၢ်လိၣ်ဘၣ်ဃး ဂံၢ်ခီၣ်ထံးတၢ်ဆီလီၤပာ်လီၤ ဒ်အမ့ၢ်ထံနိ, လီမ့ၣ်အူ, ဒီးကျဲၢ်မုၢ် ကျဲဘိအဂီၢ်လီၤ." အူထိထိအူ, လၢအမ့ၢ်ပှၤကွၢ်ထွဲတၢ်တိာ်ကျဲၤအခိၣ်ကျၢၢ်, စံး၀ဲလီၤ.

စ့တၢ်မၤစၢၤတၢ်ဟ့ၣ်လီၤဆူ သ၀ီတဖျၢၣ်စုာ်စုာ် ဒိးသန့ၤထီၣ်သး လၢပှၤနီၣ်ဂံၢ်အဖီခိၣ်, ဒီးဟီၣ်က၀ီၤသ၀ီဖိတဖၣ်ကဘၣ်မၤပှဲၤ တၢ် လိၣ်ဘၣ်ဃး ကၠိ, ထံအီ, လီမ့ၣ်အူ, ကျဲမုၢ်ကျဲဘိ, ဒီးဂံၢ်ခီၣ်ထံးတၢ် ဆီလီၤပာ်လီၤလၢ အဂၤ လၢအကစၢ်ဒၣ်၀ဲ, ဒီးတၢ်မၤလၢအဘၣ် ဘျုးထဲပှၤနီၢ်တဂၤ, တၢ်ဘူၣ်တၢ်ဘါတၢ်သူၣ်ထီၣ်တဖၣ်, တၢ်တ ဟ့ၣ်ခွဲးဘၣ်, ပှၤဘၣ်မူဘၣ်ဒါစံး၀ဲလီၤ.

"ခီဖျိပသူစ့တၢ်မၤစၢၤလၢတၢ်တိာ်ကျဲၤ ပသူၣ်ထီၣ်န့ၢ်ကၠိတၢ်သူၣ် ထီၣ်, ကၠိတၢ်ဟးလီၢ်, ထံကမျၢ, ဒီးကၠီးအတီးတဖၣ်လီၤ. ညီလၢ ပဂီၢ်မ့ၢ်လၢ ပတဘၣ်ဟ့ၣ်ကဒါက့ၤစ့ဘၣ်လီၤ. ပကမၤတၢ်၀ဲအံၤ လၢပကစၢ်ဒၣ်၀ဲစ့ဘး ကၠဲးဒု တမ့ၢ်တၢ်ညီဘၣ်. ပမ့ၢ်ဃ့ထီၣ်လၢပ ဒိၣ်ဒီးဘျီၣ်ဒိၣ်, တၢ်ဆၢကတီၢ်ကတံာ်တာ်၀ဲ ဒီးပဘၣ်အိၣ်ခိး မ့ၢ်လၢစ့ဘးကၠဲးတအိၣ်အဃိလီၤ. သ၀ီဒိးန့ၢ်စ့တၢ်မၤစၢၤ ၁၀၀ ကကွဲၢ်ကၠး လီၤလၢလွံၢ်နံၣ်စ့တၢ်မၤစၢၤအဂီၢ်လီၤ." စီၤလၣ်မိ, လၢအမ့ၢ်တီၣ်ဒံသ၀ီကရူၢ် ကရူၢ်ခိၣ်, စံးဘၣ် KIC တၢ်ကစီၣ်လီၤ.

စးထီၣ်လၢ ၂၀၁၃-၂၀၁၄ တၢ်သူစ့နံၣ်, ပှၤတ၀ၢတီခိၣ်ရိၣ်မဲတၢ်တိာ်ကျဲၤ ဘၣ်တၢ်မၤအီၤလၢကီၢ်ဆၣ်အဖှီၣ်ကတၢၢ်သၢဘ့ၣ်လၢ ထံကီၢ်အပူၤလီၤ. ကၠၤအ့စ့ၣ်ကၠံကီၢ်ဆၣ် ဘၣ်တၢ်ဃုထၢအီၤလၢကညီကီၢ်စဲၣ်အပူၤ ဖဲ ၂၀၁၆ လီၤ. တၢ်ကဟ့ၣ်လီၤစ့တၢ်မၤစၢၤ ဆူကီးကရ့းဒီးလူၢ်ပျဲၢ်ကီၢ်ဆၣ် လၢလွံၢ်နံၣ်အဂီၢ်စးထီၣ် ၂၀၁၈, အဂ့ၢ် ပှၤဘၣ်မူဘၣ်ဒါလၢပှၤတ၀ၢတီခိၣ်ရိၣ်မဲတၢ်တိာ်ကျဲၤစံး၀ဲ လီၤ.