ကၠိသရၣ် ၁၀၀၀ ဂၤ, ဒိးန့ၢ်တၢ်သိၣ်လိ ကဘၣ်သိၣ်လိဖိသၣ် လၢအိၣ်ဒီးတၢ်လိၣ်လီၤဆီဒ်လဲၣ်

...

ကၠိသရၣ် ၁၀၀၀ ဂၤ, ဒိးန့ၢ်တၢ်သိၣ်လိ ကဘၣ်သိၣ်လိဖိသၣ် လၢအိၣ်ဒီးတၢ်လိၣ်လီၤဆီဒ်လဲၣ်

Myanmar Times, 14 Dec 2016

URL: http://www.mmtimes.com/index.php/national-news/yangon/24191-1000-teachers-to-be-trained-for-children-with-special-needs.html
ဒ်သိးတၢ်ကမၤဂ့ၤထီၣ် တၢ်ကူၣ်ဘၣ်ကူၣ်သ့လၢ ဖိသၣ်လၢအိၣ်ဒီး တၢ်မၤလိတၢ်နီးတၢ်ဘျးတဖၣ်အဂီၢ်, ကီၢ်ပယီၤ
တၢ်ကူၣ်ဘၣ်ကူၣ် သ့လီၤဆီကရၢ Myanmar Special Education Association (MSEA), ဘိိးဘၣ်သ့ၣ်ညါ
အတၢ်ရဲၣ်တၢ်ကျဲၤလၢ ကတူၢ်လၢာ်အသးလၢသရၣ် ၁၀၀၀ ဂၤအဂီၢ်လၢထံကီၢ်ဒီတဘ့ၣ် ဒ်သိးကဒိးန့ၢ်တၢ်သိၣ်
လိလီၤဆီလၢ ၂၀၁၇ အတီၢ်ပူၤလီၤ.

တၢ်လဲၤသဒၣ်, တၢ်ကွၢ်တလီၤဒီးတၢ်တဆီၣ်ထွဲမၤစၢၤ ပှၤလၢနီၢ်ခိက့ၢ်ဂီၤတလၢပှဲၤ လၢကီၢ်ပယီၤအပူၤအိၣ်အါမး
လီၤ. ပှၤ ၂.၃ ကကွဲၢ်ဂၤလၢထံလီၢ်ကီၢ်ပူၤ မ့ၢ်ပှၤလၢအိၣ်ဒီးက့ၢ်ဂီၤတလၢတပှဲၤတမံၤမံၤ, အဂ့ၢ် ပှၤဂ့ၢ်၀ီတၢ်မၤစၢၤ
ဒီးတၢ်သူၣ်လီၤဆီလီၤကိတိၤ အတၢ်ပာ်ဖျါလၢ ၂၀၁၀ ထံကီၢ်ဒီတဘ့ၣ်အတၢ်ပာ်ဖျါအပူၤ စံး၀ဲလီၤ. ပှၤလၢနီၢ်ခိ
က့ၢ်ဂီၤတလၢပှဲၤ ၅၃ မျးကယၤ တဒိးန့ၢ်ဘၣ်တၢ်ကူၣ်ဘၣ်ကူၣ်သ့, ဒီးထဲဒၣ်ပှၤ ၂ မျးကယၤဧိၤ ဖျိ၀ဲဖၠၣ်ဆိမိၤတၢ်
ကူၣ်ဘၣ်ကူၣ်သ့ပ ပတီၢ် bachelor ဒံၣ်ကရံၣ်န့ၣ်လီၤ.

အဆၢကတီၢ်ခဲအံၤ တၢ်တယာ်၀ဲလၢထဲဒၣ်ကၠိအဖျၢၣ် ၂၀ ဧိၤလၢကီၢ်ပူၤ, အိၣ်ဒီးကၠိသရၣ်လၢဒိးန့ၢ်တၢ်သိၣ်လိမူးနီၢ်
လၢကသိၣ်လိဖိ သၣ်လၢက့ၢ်ဂီၤတလၢပှဲၤတဖၣ်န့ၣ်လီၤ. ကၠိသရၣ်တဖၣ်အံၤအါဒၣ်တက့ၢ် အိၣ်လၢ၀့ၢ်တကူၣ် ဒီးမါ
တလ့န့ၣ်လီၤ. MSEA တၢ်သိၣ် လိအတၢ်ရဲၣ်တၢ်ကျဲၤအံၤ မုၢ်လၢ်၀ဲလၢကဆီတလဲတၢ်အိၣ်သး၀ဲအံၤ ခီဖျိကဆီၣ်ထွဲ
အတၢ်မၤ ၆၆ မျးကယၤ လၢပှၤအိၣ်လၢ ခိခိၣ်ဒူသ၀ီတဖၣ်အဂီၢ်လီၤ.

"ပကတူၢ်လၢာ် တၢ်သိၣ်လိကၠိသရၣ်တၢ်လၢာ်ဘူၣ်လၢၤစ့ၤ လၢကီၢ်ရ့ၣ်ဒီးကီၢ်ခီခဲလၢာ်အပူၤလီၤ." MSEA ထံကီၢ်အ
ပှၤရဲၣ်ကျဲၤတၢ် အဲလ်စီဒ့မ်စံး၀ဲ လီၤ. "ပမုၢ်လၢ်လၢ ကၠိသရၣ်အဂၤ ၈၀၀ တုၤ ၁၀၀၀ ကထီၣ်တၢ်သိၣ်လိလီၤ."

တၢ်သိၣ်လိအတၢ်ရဲၣ်တၢ်ကျဲၤအံၤ ကတံာ်တာ်၀ဲသၢလါ, တၢ်သိၣ်လိကစးထီၣ်ဖဲ လါဖ့ဖီၣ်အါရံၣ် ၂၀၁၇ လီၤ.

ကၠိသရၣ်တဂၤလၢ်လၢ်လၢ အဲၣ်ဒိးထီၣ်တၢ်သိၣ်လိတၢ်ရဲၣ်တၢ်ကျဲၤ၀ဲအံၤ ကဘၣ်ဆဲးကျိးဒီး MSEA မ့တမ့ၢ် ပှၤဂ့ၢ်၀ီတၢ်
မၤစၢၤဆီၣ် ထွဲ ဒီးတၢ်သူၣ်လီၤဆီလီၤ ကိတိၤန့ၣ်လီၤ.