တၢ်ကူၣ်ဘၣ်ကူၣ်သ့ကိတိၤခိၣ် အူမၠိသ့ကၠံ စံးဘၣ်ခၢၣ်စးလၢသဲစးဘျီၣ်ဒိၣ်အဖီခိၣ်တတီၤ မဟါတနံၤလၢ တၢ်
လဲၤထီၣ်လဲၤထီလၢ တၢ်ဘၣ်ကူၣ်သ့အသနၢၣ် လၢကလုာ်ဒူၣ်ဟီၣ်က၀ီၤအပူၤ ဒိးသန့ၤထီၣ်အသးလၢ ကီၢ်ပယီၤ
တၢ် မုာ်တၢ်ခုၣ်တၢ်မၤအကျဲ ကဲထီၣ်တ ကဲထီၣ်အဖီခိၣ်လီၤ.

တၢ်ကျဲးစၢးလၢ တၢ်ကမၤဒိၣ်ထီၣ်လဲၢ်ထီၣ် တၢ် သိၣ်လိကလုာ်ဒူၣ်အကျိာ်, တၢ်ကမၤအါထီၣ်ပှၤ ကွဲးလံာ်ဖးလံာ်ဘၣ်
အနီၢ်ဂံၢ်, ဒီးတၢ် ကမၤဂ့ၤထီၣ် တၢ်ကူၣ်ဘၣ်ကူၣ်သ့အခွဲးယာ် လၢထံဆၢကီၢ်ဆၢတၢ်လီၢ် လၢတၢ်လဲၤကပာ်တ့ၢ်ယံာ်
မး, ကဒိးသန့ၤထီၣ်အသးလၢ ထံကီၢ်ဒီတဘ့ၣ်တၢ်မုာ်တၢ်ခုၣ် အိၣ်ယံာ်အိၣ်ထၢ၀ဲထဲလဲၣ် အဖီခိၣ်, အ၀ဲဒၣ်စံး၀ဲ လီၤ.

ကီၢ်စၢဖှိၣ်ကိတိၤခိၣ် ကတိၤ၀ဲတၢ်ဂ့ၢ်သ့ၣ်တဖၣ်အံၤ ဖဲအ၀ဲဒၣ်စံးဆၢက့ၤ တၢ်ဆှၢနုာ်လၢ ဘၣ်တၢ်မၤအီၤလၢ အပူၤ
ကွံာ်သဲးစးဘျီၣ် ဒိၣ်အဖီခိၣ်တတီၤအခိၣ် အူခ့ၣ်အီၣ်မၠံၣ် (နီၢ်ဂံၢ် ၈ မါတလ့တၢ်ဖးဟီၣ်က၀ီၤ USDP ပၣ်တံၣ်ခၢၣ်
စး) ဟ့ၣ်သဆၣ်ထီၣ်ထံကီၢ်ပဒိၣ်လၢ ကပာ်လီၤတၢ်ရဲၣ်တၢ်ကျဲၤလီၤဆီ ဒ်သိးတၢ်ကမၤလီၤစှၤ တၢ်ကွဲးလံာ်ဖးလံာ်တ
သ့အနီၢ်ဂံၢ် လၢကလုာ်ဒူၣ်နီၢ်ဂံၢ်စှၤတဖၣ်အကျါ ဒီး တၢ်ကဟ့ၣ်ဂံၢ်ဟ့ၣ်ဘါ တၢ်မၤလိကလုာ်ဒူၣ်အလံာ်အလဲၢ် အ
ဂ့ၢ်လီၤ.

ဘၣ်ဃးဒီးလံာ်တၢ်သိၣ်လိ လၢကလုာ်ဒူၣ်ကျိာ်တဖၣ်, အူမၠိသ့ကၠံစံး၀ဲ, တၢ်ကူၣ်ဘၣ်ကူၣ်သ့ကိတိၤ တိာ်ပာ်၀ဲလၢက
စဲကျံး တၢ်မၤလိ အလံာ်လၢကလုာ်ဒူၣ်ကျိာ် ၅၄ ကျိာ်အဂီၢ် ဒီးကဟ့ၣ်နီၤလီၤ၀ဲဆူကၠိဖိ ၅၄၀,၂၈၉ ဂၤ လၢတတီၤ
တုၤသၢတီၤအဂီၢ် လၢကီၢ်ဆၣ် ၁၈၇ ဘ့ၣ် န့ၣ်လီၤ.

တၢ်ကူၣ်ဘၣ်ကူၣ်သ့ကိတိၤ ပာ်လီၤစဲၢ်ပာ်စၢၤစ့ ၅.၅ ဘ့လယၢၢ်ကၠး (US$4.53 million) လၢကၠိသရၣ်လါလဲလၢ
အသိၣ်သိက လုာ်ဒူၣ်ကျိာ် ၁၈,၃၀၀ ဂၤအဂီၢ် လၢ ၂၀၁၆-၁၇ တၢ်မၤလိနံၣ်အဂီၢ်လီၤ. လၢအပူၤကွံာ် ၂၀၁၃-၂၄
ဒီး ၂၀၁၅-၁၆ ကၠိနံၣ်တီၢ်ပူၤ, ပ ဒိၣ်ဆီၣ်ထွဲ တၢ်သိၣ်လိကလုာ်ဒူၣ်ကျိာ် ၂၈ ကျိာ်, ဒီးသူလၢာ်၀ဲစ့ ၆ ဘ့လယၢၢ်ကၠး
ဃၣ်ဃၣ် လၢကၠိသရၣ်လါလဲ ဒီးကၠိအလံာ်လဲၢ်တ ဖၣ်အဂီၢ်လီၤ.