ထံကီၢ်အမံၤအသီ တၢ်ြကၢးတၢၣ်ပီၣ်သကိး, UNFC ပှၤပၢၤလီၢ်ဆ့ၣ်နီၤခံဂၤတဂၤ နါဟီၣ်စါ စံး

...

ထံကီၢ်အမံၤအသီ တၢ်ြကၢးတၢၣ်ပီၣ်သကိး, UNFC ပှၤပၢၤလီၢ်ဆ့ၣ်နီၤခံဂၤတဂၤ နါဟီၣ်စါ စံး

Mon News Agency, 01 Sep 2016

URL: http://monnews.org/2016/09/03/new-country-name-should-be-discussed-unfc-vice-chair-nai-hongsar/
တၢ်သူၣ်ထီၣ်ဖဲဒရဲၣ်ဒံၣ်မိၣ်ကရ့ၣ်စံၣ်ထံကီၢ် ဒီးတၢ်ဟ့ၣ် တၢ်ထဲသိးတုၤသိးလၢ ကလုာ်ဒူၣ်ကိးဖုဒဲးလၢ ထံကီၢ်
အမံၤသီတဖျၢၣ်အဖီလာ် လၢထံကီၢ်အတၢ်ဘျုးတၢ်ဖှိၣ် အဂီၢ်, တၢ်ြကၢးတၢၣ်ပီၣ်သကိးလၢအဂ့ၢ်, နါဟီၣ်စါ
လၢ အမ့ၢ် ကလုာ်ဒူၣ်ခဲလၢာ်ပာ်ဖှိၣ် ဖဲဒရဲၣ်ကီၣ်ကးကရၢ United Nationalities Federal Council (UNFC)
ပှၤပၢၤလီၢ်ဆ့ၣ်နီၤ ခံဂၤတဂၤ, စံး၀ဲလီၤ.

နါဟီၣ်စါ, လၢအမ့ၢ်စ့ၢ်ကီး မိၣ်ကီၢ်သီပၣ်တံၣ် New Mon State Party (NMSP) ပှၤပၢၤလီၢ်ဆ့ၣ်နီၤခံ ဂၤတဂၤ,
စံး၀ဲတၢ်ဂ့ၢ်လၢအဖီခိၣ်အံၤ ဖဲအ၀ဲဒၣ်ကတိၤ လီၤတၢ်ဖဲ ကီၢ်စၢဖှိၣ်တၢ်မုာ်တၢ်ခုၣ်တၢ်အိၣ်ဖှိၣ် သၢနံၤ တနံၤ မုၢ်ဖီ
ဖးအနံၤ (လါစဲးပထ့ ဘၢၣ် ၂ သီ) အဆၢ ကတီၢ်န့ၣ်လီၤ.

တၢ်ပာ်ဖျါအ၀ဲအံၤ မ့ၢ်တၢ်ပာ်ဖျါသၢတီၤတတီၤလၢအ၀ဲ ဒၣ်ကတိၤလီၤ၀ဲ လၢ လၢ UNFC အခၢၣ်စး ဖဲတၢ် အိၣ်ဖှိၣ်
န့ၣ်လီၤ.

"တၢ်ကတိၤ Burma ဒီး Myanmar မ့ၢ်တၢ်ဒ်သိးသိးလီၤ. ပှၤကိးဂၤဒဲးသ့ၣ်ညါတၢ်အ၀ဲအံၤလီၤ. Burma မ့ၢ်မံၤလၢ
တၢ်သူ၀ဲလၢအပူၤကွံာ် ဒီး Myanmar မ့ၢ်မံၤလၢတၢ်သူ၀ဲလၢအဆၢကတီၢ်ခဲအံၤလီၤ." နါဟီၣ်စါ, စံး၀ဲဖဲအကတိၤ
လီၤတၢ်အခါ လီၤ.

အ၀ဲဒၣ်ရှဲပၠး၀ဲလၢ, မံၤ "Burma" လၢကိၤလၤ၀ါအကျိာ်ဂ့ၤ မ့တမ့ၢ် "Myanmar" ဂ့ၤ, အခီပညီမ့ၢ်တၢ်တခါဃီ လၢ
အဲၣ်ဒိးစံး "Barmar" အကလုာ် လၢအိၣ်ဆိးလၢကီၢ်စၢဖှိၣ်အပူၤလီၤ.

သနာ်က့, သုးခိၣ်ကျၢၢ်ဂီၢ်ဂ့ၢ်လီၢ်လံၤ အူမၠံၣ်စိ လၢကီၢ်စၢဖှိၣ်တၢ်ဂၢၢ်တၢ်ကျၢၤ ဒီးတၢ်လဲၤထီၣ်လဲၤထီပၣ်တံၣ်
Union Solidarity and Development Party (USDP), စံးဆၢကဒါက့ၤ၀ဲတၢ်ဂ့ၢ်တနီၤလၢ ကလုာ်ဒူၣ်ခၢၣ်
စးတဖၣ်ပာ် ဖျါထီၣ်၀ဲ ဖဲတၢ်ထံၣ်လိာ်သးဒီး ပှၤဟံးတၢ်ကစီၣ်အခါလီၤ. "တၢ်ထံၣ်လီၤဆီလိာ်သးအိၣ်ခံကပၤလီၤ.
၂၁ ယၤဖှိၣ်ပ့ၢ် လိၢ်တၢ်အိၣ်ဖှိၣ် မ့ၢ်တၢ်အိၣ်ဖှိၣ်လၢ တၢ်ကတၢၣ်ပီၣ်တၢ်ဂ့ၢ်သ့ၣ်တဖၣ် ဒီးအ၀ဲသ့ၣ်ပာ်ဖျါထီၣ်အ
တၢ်ထံၣ်တဖၣ်သ့လီၤ. သနာ်က့, တၢ်ဂ့ၢ်တနီၤနီၤမ့ၢ်တၢ်လၢအကဲထီၣ်ညီ ဘၣ်ဆၣ်တၢ်လၢအကဲထီၣ်တညီတဖၣ်
ပကသ့ၣ်ညါဂ့ၤထီၣ် လၢမုၢ်နံၤလၢကဟဲလီၤ."

တၢ်အိၣ်ဖှိၣ်ဖဲ မုၢ်ဖီဖးအနံၤ ခၢၣ်စးသၢဆံသၢဂၤ လၢထံရူၢ်ကီၢ်သဲးပၣ်တံၣ်ဒီး တၢ်ကရၢကရိလၢအဂၤတဖၣ် တၢၣ်
ပီၣ် သကိးဒီးပာ်ဖျါထီၣ်၀ဲအ၀ဲသ့ၣ်တၢ်ထံၣ်လီၤ. ပှၤပၢၤလီၢ်ဆ့ၣ်နီၤအိၣ်၀ဲ ယဲၢ်ဂၤ ဖဲတၢ်အိၣ်ဖှိၣ်သၢနံၤတနံၤ, ပၣ်ဃုာ်
၀ဲ အူသူၣ်၀ဲ, ဒီးကထၢၣ် ၀့မၠၣ်အ့ ဒီးသုးခိၣ်ကျၢၢ်ခံဂၤတဂၤတ့ၤမီၣ်၀့ သ့ၣ်တဖၣ်လီၤ.