ကီၢ်ပယီၤပှၤဖီၣ်စုကဝဲၤခိၣ်နၢ်သ့ၣ်တဖၣ်လိၣ်ဘၣ်နီၢ်ကစၢ်အတၢ်ပၢလီၤသးတချုးတၢ်ဆဲးလီၤတၢ်ပတုာ်တၢ်ခး တၢ်အၢၣ်လီၤအီလီၤ

...

ကီၢ်ပယီၤပှၤဖီၣ်စုကဝဲၤခိၣ်နၢ်သ့ၣ်တဖၣ်လိၣ်ဘၣ်နီၢ်ကစၢ်အတၢ်ပၢလီၤသးတချုးတၢ်ဆဲးလီၤတၢ်ပတုာ်တၢ်ခး တၢ်အၢၣ်လီၤအီလီၤ

Business Insider, 06 May 2015

URL: http://www.businessinsider.com/r-myanmar-rebel-leaders-want-greater-autonomy-before-signing-ceasefire-2015-5
ပှၤဖီၣ်စုကဝဲၤခိၣ်နၢ်လၢကီၢ်ပယီၤအပူၤဖဲမုၢ်ပျဲၤအနံၤန့ၣ်သဆၣ်ထီၣ်ဝဲကီၢ်ပယီၤပဒိၣ်အခံလၢကဘှီဘၣ်ဝဲသုးမုၢ်ဒိၣ်တၢ်ကွဲးပတြီာ်တၢ်ဘျၢသဲစး
ခိၣ်သ့ၣ်လၢကဟ့ၣ်အါထီၣ်ဝဲကလုာ်ဒူၣ်ဖိသ့ၣ်တဖၣ်နီၢ်ကစၢ်တၢ်ပၢလီၤသးဒၣ်ဝဲအဂီၢ်,ဒ်လၢအပတီၢ်အိၣ်ဝဲဒၣ်အသိး,အဝဲသ့ၣ်စံးဝဲဒၣ်စ့ၢ်ကီး
လၢကမၤဝဲဒၣ်တၢ်ဆဲးလီၤကီၢ်ဒီဘ့ၣ်တၢ်ပတုာ်တၢ်ခးအတၢ်အၢၣ်လီၤအီလီၤအံၤညီညီအဂီၢ်န့ၣ်လီၤ.

လံာ်တၢ်ရၤလီၤပာ်ဖျါထီၣ်ဝဲဖဲတၢ်အိၣ်ဖှိၣ်ဃုသီဝံၤအလီၢ်ခံပါစၣ်လၢတရူးကီၢ်ဆၢကလုာ်ဒူၣ်ဖီၣ်စုကဝဲၤခိၣ်နၢ်အါဖုလၢအိၣ်လၢကီၢ်ပယီၤအပူၤကိး
သတြီထီၣ်ဝဲဒၣ်ဆူသုးပဒိၣ်ဒ်သိးကပတုာ်ဝဲတၢ်ထီၣ်ဒုးထီဒါအဝဲသ့ၣ်တဖၣ်ဒီးဒုးအိၣ်ထီၣ်ဝဲကီၢ်စၢဖှိၣ်အကျိၤအကျဲစ့ၢ်ကီးန့ၣ်လီၤ.

ပှၤပၢၢ်ဆၢတၢ်ခိၣ်နၢ်သ့ၣ်တဖၣ်ပာ်ဖှိၣ်ထီၣ်အသးလၢဝးသုးမုၢ်ဒိၣ်ဝဲၤလီၢ်ခိၣ်သ့ၣ်လၢအိၣ်ဒီးဂံၢ်ဆူၣ်ဘါဆူၣ်တၢၣ်ပီၣ်သကိးတၢ်အၢၣ်လီၤအီၤလီၤ
တၢ်ပတုာ်တၢ်ခးအလံာ်ပတြီာ်လၢမၤကတၢၢ်ကွံာ်တ့ၢ်ဝဲဖဲလါမးရှးအံၤအိၣ်တ့ၢ်လံဝဲခံနံၣ်ဃာ်ဃာ်လၢပှၤထံၣ်လိာ်တဲသကိးတၢ်တဖၣ်န့ၣ်လီၤ.

ကီၢ်ပယီၤသဝီဖိပဒိၣ်တဝာ်လၢအဟံးန့ၢ်တၢ်စိတၢ်ကမီၤဖဲ(၂၀၁၁)နံၣ်,ဖဲလၢသုးမီၤစိရိၤပၢတၢ်အသနူအံၤ(၄၉)နံၣ်ဝံၤအလီၢ်ခံကတိၤတ့ၢ်ဝဲဒၣ်လၢ
အဲၣ်ဒိးဆဲးလီၤသကိးဝဲကီၢ်ဒီတဘ့ၣ်အတၢ်ဃူတၢ်ဖိးတချုးတၢ်ဃုထၢအစဲၤခံကတၢၢ်လၢနံၣ်အဝဲအံၤဒ်သိးဒီးကမၤကတၢၢ်ဝဲတၢ်ဘၣ်ဂံာ်ဂူာ်လၢက
ရူၢ်အါဖုလၢအစးထီၣ်ဖီၣ်ထီၣ်တ့ၢ်စုကဝဲၤတ့ၢ်လံလၢ(၁၉၄၈)နံၣ်တ့ၢ်လံန့ၣ်လီၤ.

ဘၣ်ဆၣ်ဒ်သိးကီၢ်စၢဖှိၣ်ကအိၣ်ထီၣ်သးအဂီၢ်တၢ်ဂ့ၢ်အိၣ်ဒံးဝဲအါမးလၢတၢ်ကဘၣ်ကတိၤတဲကျဲၤအီၤန့ၣ်လီၤ.ပှၤဖီၣ်သူကဝဲၤကရူၢ်သ့ၣ်တဖၣ်လိၣ်
ဘၣ်တၢ်နီၢ်ကစၢ်တၢ်ပၢလီၤသးဒိၣ်န့ၢ်တက့ၢ်ခီဖျိသုးမုၢ်အိၣ်တ့ၢ်လံလၢတၢ်ဆၢကတီၢ်ယံာဝဲထၢဝဲဒီးမ့ၢ်တၢ်ကီခဲမးအဃိလိၣ်ဘၣ်တၢ်တၢ်ဂံၢ်တၢ်ဘါ
အါအါလၢတၢ်ကသူၣ်ထီၣ်က့ၤပဒိၣ်တဖုဃီဒ်၂၀၀၈နံၣ်တၢ်သီခိၣ်သ့ၣ်လၢအမ့ၢ်သုးမုၢ်အတၢ်ထၢသုးအသိးန့ၣ်လီၤ.

သုးပဒိၣ်အၢၣ်လီၤဝဲထဲလၢကမၤဂ့ၤထီၣ်ဝဲ(၂၀၀၈)နံၣ်တၢ်သူၣ်ထီၣ်တၢ်ဘျၢသဲစးခိၣ်သ့ၣ်လၢပဃ့ထီၣ်တ့ၢ်လံလၢကစိာ်ခီဝဲဒံၣ်မိၣ်ခြ့ၣ်စံၣ်,အိၣ်
ကလုာ်ဒူၣ်တၢ်ခွဲးတၢ်ယာ်လၢအထဲသိးပှဲၤသိးလၢအနီၢ်ကစၢ်ဒၣ်ဝဲတၢ်ပၢလီၤအသး,ပအိၣ်ဆိးကသ့ဝဲဒၣ်လၢကီၢ်စၢဖှိၣ်အပူၤတဘ့ၣ်ဃီ,ပှၤပၢၢ်ဆၢ
တၢ်ခိၣ်နၢ်တဖၣ်ကတိၤတ့ၢ်ဝဲဒၣ်လၢလံာ်တၢ်ရၤလီၤပာ်ဖျါထီၣ်အပူၤန့ၣ်လီၤ.

တၢ်ဒုးကဲထီၣ်သးတယံာ်တမီၢ်လၢမုၢ်ထီၣ်ကီၢ်ဆၢလၢတရူးပဒိးအသုးထီဒါဝဲ Myanmar National Democratic Alliance Army(MNDAA)လၢ
ဘၣ်တၢ်ဒုးအိၣ်ထီၣ်အီၤလၢတရူး(ဟၣ်)ကလုာ်ဒူၣ်န့ၣ်လီၤ.

TNLA ဒီးရခၢၣ်သုးမုၢ်သ့ၣ်တဖၣ်ကဒုးလိာ်သးသဃဲၤဃုာ်ဒီး MNDAA န့ၣ်လီၤ.

လၢအဝဲသ့ၣ်လံၤတၢ်ရၤလီၤလၢတၢ်ပတံထီၣ်အီၤဖဲမုၢ်ပျဲၤအနံၤကတၢၢအံၤန့ၣ်ကလုာ်ဒိၣ်ခိၣ်နၢ်ဃ့ထီၣ်ပဒိၣ်လၢကထၢနုာ်ဃုာ်MNDAA, TNLAဒီး
ရခၢၣ်သုးမုၢ်သ့ၣ်တဖၣ်လၢတၢ်ကတိၤသကိးလၢခါဆူညါအဂီၢ်န့ၣ်လီၤ.