တၢ်လဲလိာ်တၢ်ဘျၢသဲစးဖဲကီၢ်ပယီၤပူၤအဂီၢ်အိၣ်ဘါမါဟ့ၣ်တၢ်ဆီၣ်သနံး

...

တၢ်လဲလိာ်တၢ်ဘျၢသဲစးဖဲကီၢ်ပယီၤပူၤအဂီၢ်အိၣ်ဘါမါဟ့ၣ်တၢ်ဆီၣ်သနံး

Radio Free Asia, 14 Nov 2014

URL: http://www.rfa.org/english/news/myanmar/obama-meets-assk-11142014161642.html
ဖဲမုၢ်ဖီဖးအနံၤကီၢ်အမဲရကၣ်ကီၢ်ခိၣ်အိၣ်ဘါမါဆီၣ်ထွဲထီၣ်ဝဲအီၣ်စါစူးကၠံၣ်အတၢ်ဃ့ထီၣ်ဘၣ်ဃးတၢ်လဲလိာ်ဘှီသီထီၣ်က့ၤတၢ်ဘျၢသဲစးဖဲထံလီၢ်ကီၢ်
ပူၤအဂီၢ်ဒီးတၢ်ဘျၢသဲစးလၢအတြီဃာ်အီၤလၢကနုာ်လီၤဒိးဃုထၢအသးလၢကီၢ်ခိၣ်န့ၣ်လီၤ.

“တၢ်ဘှီဘၣ်မၤဂ့ၤထီၣ်က့ၤတၢ်ဘျၢသဲစးခိၣ်သ့ၣ်အတၢ်ရဲၣ်တၢ်ကျဲၤအံၤလိၣ်ဘၣ်ဒုးနုာ်လီၤပၣ်ဃုာ်ပှၤခဲလၢာ်န့ၣ်အဂ့ၢ်”အိၣ်ဘါမါစံးဝဲဖဲတၢ်ဟ့ၣ်တၢ်ကစီၣ်
အမူး,ဖဲလၢအဝဲထံၣ်လိာ်အိၣ်ဖှိၣ်ဒီးအီၣ်စါစူးကၠံၣ်ဖဲအဝဲပိာ်မုၣ်အဟံၣ်လၢဝ့ၢ်တကူၣ်အပူၤအံၤဝံၤအလီၢ်ခံန့ၣ်လီၤ.

“ဖဲလၢကီၢ်ပယီၤတၢ်ဘျၢသဲစးခိၣ်သ့ၣ်အပူၤတၢ်ဘျၢသဲစးအိၣ်ဝဲတနီၤနီၤလၢအခီပညီတအိၣ်(တဘၣ်လီၢ်ဘၣ်စး)ဝဲဘၣ်န့ၣ်လီၤ.”

အိၣ်ဘါမါမ့ၢ်တယၢၤဖျါထီၣ်ဝဲအီၣ်စါစူးကၠံၣ်အမံၤဒၣ်လဲာ်,ပှၤအါဒ်အါဂၤသ့ၣ်ညါဝဲဒၣ်လၢတၢ်ဘျၢသဲစးနီၣ်ဂံၢ်၅၉(F)အံၤတြီဃာ်ဝဲ(NLD)ကရၢခိၣ်အီၣ်စါ
စူးကၠံၣ်လၢကနုာ်လီၤဒိးဃုထၢအသးလၢကီၢ်ခိၣ်ခီဖျိအဖိခွါခံဂၤမ့ၢ်ဝဲကီၢ်အဲကလံးထံဖိကီၢ်ဖိအဃိန့ၣ်လီၤ.

အိၣ်ဘါမါစံးဝဲ,“ယနၢ်ပၢၢ်ယဲတၢ်ဘျၢသဲစးလၢအတြီဝဲပှၤတဂၤတဂၤလၢကနုာ်လီၤဒိးဃုထၢအသးလၢကီၢ်ခိၣ်ခီဖျိလၢအဖိအလံၤအဃိအံၤတသ့ဝဲဘၣ်
န့ၣ်လီၤ.”စံးအါထီၣ်ကဒီးဝဲ လၢတၢ်ဘှီဘၣ်မၤဂ့ၤထီၣ်က့ၤ၂၀၀၈တၢ်ဘျၢသဲစးခိၣ်သ့ၣ်အတၢ်ဆၢတဲာ်လၢခံကတၢၢ်အံၤဒိးသန့ၤထီၣ်အသးလၢကီၢ်ပယီၤ
ပှၤကမျၢၢ်ဖိသ့ၣ်တဖၣ်အဖီခိၣ်အံၤအဂ့ၢ်,လၢယဂီၢ်မ့ၢ်တၢ်လၢအခီပညီတအိၣ်ဝဲဒၣ်ဘၣ်န့ၣ်လီၤ.

အီၣ်စါစူးကၠံၣ်ပာ်ဖျါထီၣ်ဝဲရှဲရှဲလၢဘၣ်မနုၤအဃိအပၣ်တံၣ်ဃ့ထီၣ်ဝဲတၢ်လဲလိာ်က့ၤတၢ်ဘျၢသဲစးအံၤလဲၣ်န့ၣ်လီၤ.

“ပထီဒါဝဲတၢ်ဘျၢသဲစးအံၤတမ့ၢ်ခီဖျိလၢအတြီဃာ်ဝဲယၤလၢတၢ်ကဲထီၣ်ဘၣ်ကီၢ်ခိၣ်န့ၣ်ဘၣ်မ့မ့ၢ်ခီဖျိလၢတၢ်ဘျၢသဲစးအံၤထီဒါဝဲဒံၣ်မိၣ်ြခ့ၣ်စံၣ်အတၢ်
သိၣ်တၢ်သီမိၢ်ပှၢ်အဃိဒီးတဘၣ်လိာ်ဖိးဒ့ဝဲဒၣ်ဒီးတၢ်သူၣ်ထီၣ်တၢ်ဘျၢသဲစးခိၣ်သ့ၣ်အဃိဘၣ်န့ၣ်အဂ့ၢ်”,အဝဲစံးဝဲန့ၣ်လီၤ.

“တၢ်ဘျၢသဲစးခိၣ်သ့ၣ်စံးဝဲလၢထံဖိကီၢ်ဖိခဲလၢာ်ြကၢးတၢ်ဘၣ်ပာ်အီၤထဲသိးတုၤသိးန့ၣ်လီၤ.တၢ်အံၤမ့ၢ်ဝဲတၢ်ပဲၤဖးနီၤဖးတၢ်လၢအဒိးသန့ၤထီၣ်အသးလၢ
ယဖိဒီးအဝဲသ့ၣ်အမၢၤတဖၣ်,ဒီးတၢ်အဂုၤအဂၤတဖၣ်အဖီခိၣ်န့ၣ်လီၤ.တၢ်အံၤမ့ၢ်တၢ်လၢတၢ်တူၢ်လိာ်အီၤတသ့ဝဲဘၣ်န့ၣ်လီၤ.တၢ်လဲလိာ်က့ၤတၢ်ဘျၢသဲ
စးအံၤအဂီၢ်ပပှၤကမျၢၢ်သ့ၣ်တဖၣ်ဆီၣ်ထွဲထီၣ်ပှၤလၢတၢ်သူၣ်ဆူၣ်သးကျၢၤအပူၤန့ၣ်လီၤ”.

ဖဲလၢ(NLD)ကရၢဒီးကီၢ်ပယီၤ၈၈ကၠိဖိကရူၢ်မၤဝဲတၢ်လဲလိာ်တၢ်ဘျၢသဲစးခိၣ်သ့ၣ်(ပၣ်ဃုာ်ဒီးတၢ်ဘျၢသဲစးလၢအတြီဝဲအီၣ်စါစူးကၠံၣ်အတၢ်ဒိးဃုထၢအ
သးလၢကီၢ်ခိၣ်)အဂီၢ်တၢ်ဆဲးလီၤမံၤအတၢ်ဟူးတၢ်ဂဲၤဖဲလါမ့ၤ(၂၇)သီတုၤလၢလါယူၤလံ(၁၉)သီအနံၤအကတီၢ်ဒိးန့ၢ်ဘၣ်ဝဲတၢ်ဆဲးလီၤမံၤလၢပှၤ(၅)ကကွဲၢ်
ဂၤန့ၣ်လီၤ.

မ့တမ့ၢ်ဘၣ်ဒီးပှၤကတိၤစၢၤန့ၢ်တၢ်လၢဒံၣ်မိၣ်ြခ့ၣ်စံၣ်အဂီၢ်လၢအဒိးန့ၢ်ဘၣ်ဝဲဘျီၣ်ဒိၣ်လီၢ်ဆ့ၣ်နီၤဖဲ(၂၀၁၂)နံၣ်တၢ်ဃုထၢအံၤအတၢ်ခွဲးတၢ်ယာ်တအိၣ်
လၢကနုာ်လီၤဒိးဃုထၢအသးဖဲခဲကိာ်တနံၣ်တၢ်ဃုထၢဘၣ်န့ၣ်လီၤ.

“ပပှၤကမျၢၢ်အါဒၣ်တက့ၢ်နၢ်ပၢၢ်ဝဲဒၣ်လၢပမ့ၢ်ဘၣ်သးဆီတလဲက့ၤထံကီၢ်အံၤဆူဒံၣ်မိၣ်ြခ့ၣ်စံၣ်အထံအကီၢ်န့ၣ်ဒီးတၢ်ဘျၢသဲစးခိၣ်သ့ၣ်အံၤတၢ်ကပာ်
အီၤဒ်အလီၢ်လီၢ်တ သ့ဝဲဘၣ်န့ၣ်အဂ့ၢ်”,အဝဲစံးဝဲန့ၣ်လီၤ.

“နစံၣ်ညီၣ်တဲာ်ပှၤတဂၤဂ့ၤတဂၤဂ့ၤခီဖျိအဖိသ့ၣ်တဖၣ်အတၢ်မၤအဖီခိၣ်တသ့ဝဲဘၣ်န့ၣ်လီၤ.”