ထံဖိကီၢ်ဖိအတၢ်ဆဲးလီၤမံၤလၢထံကီၢ်ဒီတဘ့ၣ်အပူၤကဘၣ်တၢ်ဘိးဘၣ်သ့ၣ်ညါရၤလီအီၤဖဲလါအီကူး

...

ထံဖိကီၢ်ဖိအတၢ်ဆဲးလီၤမံၤလၢထံကီၢ်ဒီတဘ့ၣ်အပူၤကဘၣ်တၢ်ဘိးဘၣ်သ့ၣ်ညါရၤလီအီၤဖဲလါအီကူး

Eleven Media, 06 Aug 2014

URL: http://www.elevenmyanmar.com/index.php?option=com_content&view=article&id=7107:initial-result-of-nationwide-census-to-be-announced-on-august&catid=44:
ထံကီၢ်ပဒိၣ်ကဘိးဘၣ်သ့ၣ်ညါထံကီၢ်ဒီဘ့ၣ်တၢ်ဆဲးလီၤမံၤအစၢအဆိကတၢၢ်တဘျီလၢအနံၣ်၃၀အတီၢ်ပူၤလၢလါတဘ့ၣ်အံၤခဲလၢာ်ဃုာ်ဒီးပှၤအနီၣ်ဂံၢ်စရီလၢတၢ်ထၢဖှိၣ်တ့ၢ်လံအီၤသ့ၣ်တဖၣ်ဒီးတၢ်ကထုးထီၣ်ရၤလီၤဆိဝဲဒၣ်တၢ်အိၣ်တၢ်ဆိးအ လီၢ်အကျဲအလံာ်ပာ်ဖျါလၢဘၣ်တၢ်မၤဂ့ၤထီၣ်တ့ၢ်လံအီၤသ့ၣ်တဖၣ်ဒ်တၢ်ပာ်ဖျါထီၣ်တ့ၢ်အီၤလၢ,တၢ်နုာ်လီၤဟးထီၢ်ဆူထံကီၢ်အပူၤကိတိာ်ဝဲၤကျိၤဒီးပှၤနီၣ်ဂံၢ်စရီကိတိၤဝဲၤကျိၤသ့ၣ်တဖၣ်အအိၣ်န့ၣ်လီၤ.

ပှၤထံဖိကီၢ်ဖိအနီၣ်ဂံၢ်စရီဒီးပှၤဟံၣ်ဖိဃီဖိတၢ်ဆဲးလီၤမံၤစရီန့ၣ်ကဘၣ်ပာ်ဃုာ်ဝဲဒၣ်ဒီးပှၤလၢအထၢတၢ်ဂ့ၢ်တၢ်ကျိၤသ့ၣ်တဖၣ်အမံၤဒီးဟီၣ်ကဝီၤသ့ၣ်တဖၣ်အမံၤစရီလၢတၢ်ဂ့ၢ်တၢ်ကျိၤအပူၤဖဲလၢတၢ်ဆဲးလီၤမံၤအဆိကတၢၢ်တဘျီအံၤန့ၣ်လီၤ.

မၠ့းကၠဲၤမ့ၢ်ဝဲဒၣ်တၢ်နုာ်လီၤဟးထီၢ်ဆူထံကီၢ်အပူၤအကိတိာ်ဝဲၤကျိၤဒီးပှၤနီၣ်ဂံၢ်စရီအကိတိၤဝဲၤကျိၤပှၤပၢဆှၢတၢ်အခိၣ်တဂၤန့ၣ်လီၤ.

ပထၢဖှိၣ်တၢ်ဂ့ၢ်တၢ်ကျိၤဖဲလါယူၤဝံၤအလီၢ်ခံန့ၣ်လီၤ.ခဲအံၤပသမံသမိးကဒါက့ၤတၢ်ဆဲးလီၤမံၤအစရီလၢပထၢတ့ၢ်အီၤသ့ၣ်တဖၣ်န့ၣ်လီၤ.ပကဘိးဘၣ်သ့ၣ်ညါတၢ်ဆဲးလီၤမံၤအစရီလၢလါဝဲအံၤအပူၤန့ၣ်လီၤ.ပကသ့ၣ်ညါဘၣ်စ့ၢ်ကီးထံဖိကီၢ်ဖိအနီၣ် ဂံၢ်လၢအပူၤကွံာ်တဘျီဒီးခဲအံၤန့ၣ်အနီၣ်ဂံၢ်အါထီၣ်ဝဲဒၣ်ထဲလဲၣ်န့ၣ်လီၤ.ပကသ့ၣ်ညါအါထီၣ်တၢ်ဂုၤထီၣ်ပသီထီၣ်အဂုၤအဂၤသ့ၣ်တဖၣ်လၢတပာ်ဃုာ်ဝဲဒၣ်လၢတၢ်ဆဲးလီၤမံၤစရီအစၢပူၤန့ၣ်လီၤ.ပကဘိးဘၣ်သ့ၣ်ညါတၢ်ဂ့ၢ်တၢ်ကျိၤသ့ၣ်တဖၣ်လၢ တၢ်နၢ်ပၢၢ်အီၤသ့ဝဲရှဲရှဲဖျါဖျါန့ၣ်လီၤ.အဝဲအံၤဘၣ်တၢ်တဲဖျါထီၣ်ဝဲဒၣ်လၢမၠ့းကၠဲၤလၢအမ့ၢ်ဝဲတၢ်နုာ်လီၤဟးထီၣ်ဆူထံကီၢ်အပူၤကိတိာ်ဝဲၤကျိၤဒီးပှၤနီၣ်ဂံၢ်စရီကိတိၤဝဲၤကျိၤပှၤပၢဆှၢတၢ်အခိၣ်န့ၣ်လီၤ.

တၢ်ထၢဖှိၣ်ထံဖိကီၢ်ဖိအနီၣ်ဂံၢ်စရီအံၤဘၣ်တၢ်စးထီၣ်မၤအီၤဖဲလါမးရှးဒီးဘၣ်တၢ်မၤစၢၤထၢအီၤလၢပှၤထၢတၢ်ဂ့ၢ်တၢ်ကျိၤဖိ အဂၤ(၁၁၀,၀၀၀)ဘျဲၣ်ဒီးလၢဒူၣ်ဖိထၢဖိ(၁၁)ကကွဲၢ်ဒူၣ်အဂီၢ်လၢအအိၣ်ဝဲဒၣ်လၢကီၢ်စဲၣ်(၁၄)ဘ့ၣ်အပူၤလၢထံလီၢ်ကီၢ်ပူၤဟီၣ် ကဝီၤသ့ၣ်တဖၣ်ဒီးကီၢ်စၢဖှိၣ်သ့ၣ်တဖၣ်န့ၣ်လီၤ.

တၢ်ထၢထံဖိကီၢ်ဖိအနီၣ်ဂံၢ်စရီဖဲ၂၀၁၄နံၣ်အံၤမ့ၢ်ဝဲဒၣ်အဆိကတၢၢ်တဘျီလၢကီၢ်ပယီၤအပူၤလၢ(၂၅)နံၣ်အတီၢ်ပူၤဝံၤအလီၢ်ခံန့ၣ်လီၤ.တၢ်ထၢထံဖိကီၢ်ဖိအနီၣ်ဂံၢ်စရီလၢအလီၢ်ခံကတၢၢ်တဘျီန့ၣ်ဘၣ်တၢ်မၤအီၤဖဲ(၁၉၈၃)နံၣ်န့ၣ်လီၤ.တၢ်ထၢထံ ဖိကီၢ်ဖိအနီၣ်ဂံၢ်စရီအံၤဘၣ်တၢ်မၤအီၤ(၄)ပတီၢ်လၢအမ့ၢ်ဝဲ,အိၣ်ဒီးတၢ်ကတဲာ်ကတီၤဆိပာ်စၢၤသး,လူၤထၢတၢ်ဂ့ၢ်တၢ်ကျိၤလၢပှၤတဝၢအပူၤ,ပာ်ဖှိၣ်တၢ်ဂ့ၢ်တၢ်ကျိၤသ့ၣ်တဖၣ်ဝံၤဒီးစဲးကျံးထုးထီၣ်ရၤလီၤတၢ်ဂ့ၢ်တၢ်ကျိၤသ့ၣ်တဖၣ်ဝံၤဒီးဘၣ်တၢ်ပာ်ဖျါ ထီၣ်တၢ်ဂ့ၢ်တၢ်ကျိၤလၢအဟဲဝဲဒၣ်လၢတၢ်နုာ်လီၤဟးထီၢ်ဆူထံကီၢ်အပူၤကိတိာ်ဝဲၤကျိၤဒီးပှၤနီၣ်ဂံၢ်စရီကိတိၤဝဲၤကျိၤန့ၣ်လီၤ.တၢ်ထၢထံဖိကီၢ်ဖိအနီၣ်ဂံၢ်အံၤတၢ်လီၢ်လၢအစီၤစုယံၤဖၣ်န့ၣ်ဘၣ်တၢ်စးထီၣ်ဆိအီၤတလါန့ၣ်လီၤ.ဘၣ်ဆၣ်သနာ်က့ထံကီၢ် ပဒိၣ်နဲၣ်လီၤဝဲဒၣ်လၢတၢ်ထၢထံဖိကီၢ်ဖိနီၣ်ဂံၢ်အံၤကဘၣ်ဝံၤဝဲလၢ(၁၂)သီန့ၣ်လီၤ.တၢ်ဆၢကတီၢ်ဘၣ်တၢ်မၤအါထီၣ်အီၤခံလါမ့ၢ်လၢအဝဲသ့ၣ်ဘၣ်လဲၤထၢဝဲဒၣ်ထံဖိကီၢ်ဖိနီၣ်ဂံၢ်စရီလၢတၢ်လီၢ်လၢအအိၣ်ဒီးတၢ်ဘၣ်ဂံၤဂူာ်ဒီးပှၤဖီၣ်စုကဝဲၤကရူၢ်လၢအ မ့ၢ်ကလုာ်ဒူၣ်အိၣ်တၢ်ဆိးတၢ်အလီၢ်သ့ၣ်တဖၣ်န့ၣ်လီၤ.

တၢ်လီၢ်တနီၤလၢအမ့ၢ်ဝဲကခၠ့ၣ်ကီၢ်စဲၣ်ဒီးပှၤဘ့ကလါဖိလၢအအိၣ်လၢရခၢၣ်ကီၢ်စဲၣ်သ့ၣ်တဖၣ်န့ၣ်လၢတၢ်ထၢထံဖိကီၢ် နီၣ်ဂံၢ်စရီအပူၤတၢ်မၤပှဲၤတၢ်လီၤစၢၤလီၤသွဲကလုာ်န့ၣ်တသ့ဘၣ်.အဝဲသ့ၣ်ကမၤအါထီၣ်က့ၤဝဲဒၣ်လၢတၢ်ထၢထံဖိကီၢ်ဖိနီၣ်ဂံၢ် တၢ်ဆဲးလီၤမံၤစရီတၢ်ပာ်ဖျါထီၣ်က့ၤအစၢအပူၤန့ၣ်လီၤ.


လၢကခၠ့ၣ်ကီၢ်စဲၣ်အပူၤန့ၣ်တၢ်တန့ၢ်ထၢထံဖိကီၢ်ဖိနီၣ်ဂံၢ်လၢသဝီ(၉၇)သဝီလၢအအိၣ်ဝဲဒၣ်လၢကရူၢ်(၂၅)ကရူၢ်လၢသဝီ(၂၇,၀၀)သဝီအကျါန့ၣ်လီၤ.လၢစ့ၣ်တွ့အပူၤမရီးအူဒီးမီၣ်တီကီၢ်ရ့ၣ်သ့ၣ်တဖၣ်န့ၣ်ပှာ်ဘ့ကလါဖိသ့ၣ်တဖၣ်ဃ့ဝဲဒၣ်
လၢ တၢ်ကမၤပှဲၤစ့ၢ်ကီးအဝဲသ့ၣ်ကလုာ်အစၢၢအသွဲၣ်လၢတၢ်ထၢထံဖိကီၢ်ဖိအနီၣ်ဂံၢ်စရီအပူၤန့ၣ်လီၤ.အဝဲအံၤဘၣ်တၢ်တဲဖျါထီၣ်ဝဲဒၣ်လၢကိတိာ်ဝဲကျိၤခိၣ်ခံဖဲလၢဘျီၣ်ဒိၣ်တၢ်အိၣ်ဖှိၣ်အကတီၢ်န့ၣ်လီၤ.ကိတိၤဝဲကျိၤခိၣ်ခံတဲကဒီးစ့ၢ်ကီးလၢအဝဲ
သ့ၣ်
ထၢဝဲဒၣ်တၢ်ထၢဖှိၣ်ထံဖိကီၢ်ဖိနီၣ်ဂံၢ်န့ၣ်သ့ဝဲဒၣ်ဒ်သိးဒီးတၢ်လီၢ်လၢကလုာ်ဒူၣ်ဖီၣ်စုကဝဲၤအိၣ်တၢ်အလီၢ်လၢအမ့ၢ်ဝဲ
ကညီတလၢၤ,ပအိၣ်,ယိၤဒိၣ်ဒီးကယါကီၢ်စဲၣ်သ့ၣ်တဖၣ်လၢတၢ်ဒိးသန့ၤထီၣ်သးအဖီခိၣ်ဝးဒီးကီးကးဟီၣ်ကဝီၤသ့ၣ်တဖၣ်လၢ အပူၤကွံာ်န့ၣ်တၢ်တန့ၢ်ထၢထံဖိကီၢ်ဖိအနီၣ်ဂံၢ်စရီဒံးဘၣ်.

အါန့ၣ်အန့ၣ်ကလုာ်ဒူၣ်ကရၢသ့ၣ်တဖၣ်ထီဒါဒီးသံကွၢ်တၢ်သံကွၢ်အဖျၢၣ်(၄၀)ဖဲတၢ်ထၢပှၤမံၤပှၤသၣ်စရီအကတီၢ်အခါဒ်သိးကထၢနုာ်ကလုာ်အစၢၤအသွဲၣ်အမံၤသ့ၣ်တဖၣ်လၢတၢ်ပနီၣ်နီၣ်ဂံၢ်န့ၣ်လီၤ.တၢ်ထၢထံဖိကီၢ်ဖိနီၣ်ဂံၢ်စရီသ့ၣ်တဖၣ်ကဘၣ် တၢ်တၢၣ်ပိာ်သကိးဒီးကလုာ်ဒူၣ်တၢ်ရၢကရိလၢအဘၣ်ဃးဒီးကလုာ်ဒူၣ်တၢ်ဂ့ၢ်တၢ်ကျိၤသ့ၣ်တဖၣ်ဖဲလၢတၢ်အစၢအံၤဘၣ်တၢ်ပာ်ဖျါထီၣ်အီၤဝံၤအလီၢ်ခံဒီးကဘၣ်တၢ်ဘိးဘၣ်သ့ၣ်ညါကလုာ်အစၢၤအသွဲၣ်ဒီးအမံၤအသၣ်လီၤတံၢ်လီၤဆဲးန့ၣ်လီၤ.

တၢ်နုာ်လီၤဟးထီၢ်ဆူထံကီၢ်အပူၤကိတိာ်ဝဲၤကျိၤဒီးပှၤနီၣ်ဂံၢ်စရီကိတိၤဝဲၤကျိၤကဘိးဘၣ်သ့ၣ်ညါဝဲပှၤနီၣ်ဂံၢ်စရီဒီးအကလုာ်အမံၤလၢခံတနံၣ်ဖဲလၢအဆိကတၢၢ်သၢလါအကတီၢ်ဒ်အမ့ၢ်ဝဲတၢ်အစၢလၢခံကတၢၢ်ဒီးတၢ်ကကွၢ်ကဒါက့ၤထံဖိကီၢ်ဖိအ နီၣ်ဂံၢ်လၢထံကီၢ်ဒီတဘ့ၣ်အပတီၢ်န့ၣ်တၢ်ကဘိးဘၣ်သ့ၣ်ညါအီၤတနံၣ်တဘျီဒီးကစးထီၣ်ဝဲဒၣ်ဖဲလၢလါနိၣ်ဝ့ဘၢၣ် (၂၀၁၅)နံၣ်န့ၤလီၤ.