ခ့ၣ်အဲၣ်ယူၣ်(KNU)ခိၣ်နၢ်တဖၣ်ထံၣ်လိာ်အိၣ်ဖှိၣ်တၢၣ်ပီၣ်သကိးတၢ်မုာ်တၢ်ခုၣ်အတၢ်ရဲၣ်တၢ်ကျဲၤဒီးအီၣ်စါစူးကၠံၣ်

...

ခ့ၣ်အဲၣ်ယူၣ်(KNU)ခိၣ်နၢ်တဖၣ်ထံၣ်လိာ်အိၣ်ဖှိၣ်တၢၣ်ပီၣ်သကိးတၢ်မုာ်တၢ်ခုၣ်အတၢ်ရဲၣ်တၢ်ကျဲၤဒီးအီၣ်စါစူးကၠံၣ်

Karen News, 22 May 2014

URL: http://www.bnionline.net/index.php/news/kic/17031-knu-officials-meet-and-discuss-peace-process-with-aung-san-suu-kyi.html
ဖဲလါမ့ၤ(၉)သီအနံၤခ့ၣ်အဲၣ်ယူၣ်(KNU)ခၢၣ်စးတဖၣ်လၢဘၣ်တၢ်တီခိၣ်ရိာ်မဲအီၤခီဖျိပဒိၣ်နီၢ်စံၣ်ဖိရၣ်စ့ၣ်ထံၣ်လိာ်အိၣ်ဖှိၣ်သကိးဝဲဒီးအီၣ်စါစူးကၠံၣ်ဖဲအဝဲဒၣ်အဟံၣ်လၢဝ့ၢ်တကူၣ်အပူၤဒ်သိးက
တၢၣ်ပီၣ်သကိးတၢ်ဘၣ်ဃးတၢ်မုာ်တၢ်ခုၣ်အတၢ်ရဲၣ်တၢ်ကျဲၤန့ၣ်လီၤ.ဖဲလၢတၢ်အိၣ်ဖှိၣ်အကတီၢ်ပဒိၣ်နီၢ်စံၣ်ဖိရၣ်စ့ၣ်ဒီးခ့ၣ်အဲၣ်ယူၣ်ခိၣ်နၢ်အဂၤတဖၣ်ဆီတလဲလိာ်ဝဲအဝဲသ့ၣ်အတၢ်ထံၣ်
ဘၣ်ဃးတၢ်မုာ်တၢ်ခုၣ်အတၢ်ရဲၣ်တၢ်ကျဲၤအံၤဒီး(NLD)ကရၢခိၣ်နၢ်စူးကၠံၣ်န့ၣ်လီၤ.

စံၣ်ဖိရၣ်စ့ၣ်စံးဘၣ်ကညီတၢ်ကစီၣ်,“ပအိၣ်ဖှိၣ်သကိးဒီးဒီစူၣ်အံၤမ့ၢ်တၢ်ယိယိဖိဘၣ်ဆၣ်ဒီးအကါဒိၣ်ဝဲဒၣ်လၢပှၤကိးဂၤကနုာ်လီၤပၣ်ဃုာ်သကိးဖဲတၢ်မုာ်တၢ်ခုၣ်အတၢ်ရဲၣ်တၢ်ကျဲၤအ
ပူၤအံၤခီဖျိသနၢၣ်အါကလုာ်,ဒ်သိးတၢ်ကဒိးန့ၢ် ဘၣ်ဝဲတၢ်မုာ်တၢ်ခုၣ်နီၢ်နီၢ်ဒီးတၢ်ခွဲးတၢ်ယာ်ထဲသိးတုၤသိးအဂီၢ်န့ၣ်လီၤ.ပအိၣ်ဒီးတၢ်လၢအတၤတၢ်ဒီးပှၤဖဲတၢ်မုာ်တၢ်ခုၣ်အကျိၤအကျဲပူၤအံၤ ဘၣ်ဆၣ်ပဟ့ၣ်နီၤလီၤပတၢ်ထံၣ်ဘၣ်ဃးတၢ်မုာ်တၢ်ခုၣ်အံၤဒီးစူးကၠံၣ်န့ၣ်လီၤ.”

စံၣ်ဖိရၣ်စ့ၣ်စံးစ့ၢ်ကီးဝဲလၢဒီစူၣ်ပာ်ဖျါထီၣ်အတၢ်သူၣ်ကိၢ်သးဂီၤတဖၣ်,ဟ့ၣ်လီၤတၢ်ဟ့ၣ်ကူၣ်ဟ့ၣ်ဖး,ဒီးတၢၣ်ပီၣ်သကိးဝဲမ့ၢ်တၢ်ကဘၣ်မၤဂ့ၤထီၣ်တၢ်မၤသကိးတၢ်မုာ်တၢ်ခုၣ်အတၢ်ရဲၣ်တၢ်ကျဲၤအံၤ
လၢကျဲဒ်လဲၣ်အဂ့ၢ်န့ၣ်လီၤ.

ခ့ၣ်အဲၣ်ယူၣ်ခိၣ်နၢ်အဂၤလၢအဟဲထီၣ်တၢ်အိၣ်ဖှိၣ်တဖၣ်ပၣ်ဃုာ်ဝဲဒီးပဒိၣ်စီသမ့ၣ်ထိ,ပဒိၣ်စီမၠၣ်မီၣ်,ပဒိၣ်စီလၣ်ထိ,ပဒိၣ်စီလံၣ်(စ်)ထၢၣ်,နီၢ်ဘလူမံနဲၣ်စဲၤလၢကညီပိာ်မုၣ်ကရၢန့ၣ်လီၤ.

စီၤထူကပီၤလၢအမ့ၢ်ပှၤဝ့ၢ်တကူၣ်ဖိစံးဘၣ်ကညီတၢ်ကစီၣ်လၢ(NLD)ခိၣ်နၢ်ဒီးခ့ၣ်အဲၣ်ယူၣ်ခိၣ်နၢ်(KNU)အဘၢၣ်စၢၤ တၢ်အိၣ်ဖှိၣ်အံၤကဒုးအိၣ်အါထီၣ်ဝဲတၢ်နာ်ပၢၢ်လိာ်သးလၢထံရူၢ်ကီၢ်သဲး
ကရူၢ်ခံဖုအဘၢၣ်စၢၤန့ၣ်လီၤ.