ဖဲလါယနူၤအါရံၤ ၉ သီအနံၤ, တၢ်နုာ်လီၤဆူထံလီၢ်ကီၢ်ပူၤဒီးကမျၢၢ်နီၣ်ဂံၢ်ကိတိာ်ဝဲၤကျိၤခိၣ်နၢ်တဂၤစံးဘၣ်မံၣ်စံၣ်မၣ်တၢ်က စီၣ်လၢကီၢ်ပယီၤပဒိၣ်ဒီးကီၢ်ကၠီၣ်တဲၣ်ပဒိၣ်တ ဖၣ်တိာ်ပာ်ဝဲလၢကတၢၣ်ပီၣ်သကိးတၢ်ဒ်သိးဒီးတၢ်ကဂံၢ်ဃုာ်ဝဲကီၢ်ဆၢဘၣ်ကီဘၣ် ခဲဒဲကဝီၤဖိတဖၣ်ဖဲတၢ်ထၢထံဖိကီၢ်ဖိနီၣ်ဂံၢ်လၢတၢ်ကမၤအီၤဖဲနံၣ်အဝဲအံၤအတီၢ်ပူၤန့ၣ်လီၤ.

ခိၣ်နၢ်အံၤစံးဝဲလၢတၢ်လိၣ်ဘၣ်ဆီၣ်ထွဲမၤစၢၤဝဲခ့ၣ်အဲၣ်ယူၣ်လၢတၢ်ဃုသ့ၣ်ညါဘၣ်ဃးကမျၢၢ်အိၣ်ဆိးဖဲကီၢ်ကၠီၣ်တဲၣ်ကီၢ်ဆၢဒဲကဝီၤတဖၣ်အနီၣ်ဂံၢ်လၢဘၣ်တၢ်တယာ်အီၤအိၣ်ဝဲ ၁၃၀,၀၀၀ ဂၤအံၤန့ၣ်လီၤ.

ခိၣ်နၢ်အံၤစံးဝဲလၢတၢ်နုာ်လီၤဆူထံလီၢ်ကီၢ်ပူၤဒီးကမျၢၢ်နီၣ်ဂံၢ်ကိတိာ်ခိၣ်အူခ့ၣ်ယံၣ်ဒီးခ့ၣ်အဲၣ်ယူၣ်လီၢ်ခၢၣ်သးကမံာ်တံးဖိတဖၣ်ကစးထီၣ်တၢ်ကတိၤသကိးတၢ်ဖဲဝ့ၢ်ဖါအၣ်,ကညီကီၢ်စဲၣ်ဖဲလါ
ယနူၤအါရံၤ ၁၄ သီအနံၤဒ်သိးကတၢၣ်ပီၣ်သကိးတၢ်ဘၣ်ဃး တၢ်ထၢထံဖိကီၢ်ဖိနီၣ်ဂံၢ်အဂီၢ်န့ၣ်လီၤ.

အဝဲစံးဝဲ,“တၢ်တၢၣ်ပီၣ်သကိးတၢ်အံၤမ့ၢ်ကဲထီၣ်လိၣ်ထီၣ်ဝဲဒီးပကလဲၤခီဃီၤဖဲန့ၣ်ဒ်သိးကမၤတၢ်ထၢထံဖိကီၢ်ဖိနီၣ်ဂံၢ်အဂီၢ်န့ၣ်လီၤ.”

ဖဲလါယနူၤအါရံၤ ၉ သီအနံၤခ့ၣ်အဲၣ်ယူၣ်နဲၢ်ရွဲၢ်သဃဲၤ(၁)စီသီသံၣ်ဘှဲစံးဘၣ်မံၣ်စံၣ်မၣ်တၢ်ကစီၣ်လၢအကါဒိၣ်ဝဲဒၣ်လၢဒဲက ဝီၤဖိတဖၣ်ကပၣ်ဃုာ်ဖဲတၢ်ထၢထံဖိကီၢ်ဖိနီၣ်ဂံၢ်အပူၤန့ၣ်လီၤ.အဝဲစံးဝဲ,“တမံၤဂ့ၤတမၠိဂ့ၤပအဲၣ်ဒိးလၢအဝဲသ့ၣ်ကနုာ်လီၤပၣ်ဃုာ်ဖဲတၢ်ထၢထံဖိကီၢ်ဖိနီၢ်ဂံၢ်န့ၣ်လီၤ.”

တၢ်ဆီၣ်ထွဲမၤစၢၤဝဲခ့ၣ်အဲၣ်ယူၣ်ဖဲတၢ်ထၢထံဖိကီၢ်ဖိနီၣ်ဂံၢ်အံၤကမၤစၢၤတၢ်လဲၤခီဖျိဝဲတၢ်ဘၣ်ကွၢ်ဆၢၣ်မဲာ်ကီခဲသ့ၣ်တဖၣ်,ပၣ်ဃုာ်ဒီးကျိာ်တၢ်ကတိၤအဒူၣ်အဆၢဒီးတၢ်ဘံၣ်တၢ်ဘၢတဖၣ်န့ၣ်လီၤ.

ဒ်ဒဲကဝီၤအံၤမ့ၢ်ဝဲတၢ်အိၣ်ဆိးအလီၢ်လၢကညီဖိအါဒံအါဂၤအသိးမ့ၢ်စ့ၢ်ကီးတၢ်အိၣ်ဆိးအလီၢ်လၢတလၢၤ,ကရ့ၣ်နံၣ်ဒီးကလုာ် ဒူၣ်အဂၤတဖၣ်န့ၣ်လီၤ.