ကီၢ်ပယီၤအိးထီၣ်လံာ်ဟးကီၢ်ဝဲၤဒၢးအသီတဖၣ်ဖဲထံကီၢ်ဒီဘ့ၣ်အပူၤ

...

ကီၢ်ပယီၤအိးထီၣ်လံာ်ဟးကီၢ်ဝဲၤဒၢးအသီတဖၣ်ဖဲထံကီၢ်ဒီဘ့ၣ်အပူၤ

Irrawaddy News, 10 Jan 2014

URL: http://www.irrawaddy.org/burma/burma-opens-new-passport-offices-around-country.html
ပှၤကီၢ်ပယီၤဖိသ့ၣ်တဖၣ်ပတံထီၣ်ဒီးဒိးန့ၢ်ဘၣ်ဝဲလံာ်ဟးကီၢ်သ့ဝဲဖဲတၢ်လီၢ် ၁၅ တီၤဖဲကီၢ်ပယီၤဒီဘ့ၣ်အပူၤန့ၣ်လီၤ. လၢအပူၤ ကွံာ်တၢ်ပတံထီၣ်ဒီးဒိးန့ၢ်ဘၣ်လံာ်ဟးကီၢ်အံၤသ့ဒၣ်ဖဲဝ့ၢ်တ
ကူၣ်အပူၤန့ၣ်လီၤ.

မီၣ်မီၣ်လ့လၢအမ့ၢ်ပၢၤကီၢ်မၤတၢ်ဖဲတၢ်ထုးထီၣ်ဟ့ၣ်လီၤကီၢ်ပယီၤလံာ်ဟးကီၢ်အလီၢ်ဖဲတလၢၤကီၢ်စဲၣ်အံၤစံးဝဲလၢခီဖျိလၢပှၤပတံထီၣ်လံာ်ဟးကီၢ်တဖၣ်လိၣ်ဘၣ်ဝဲလံာ်လဲၢ်အံၤလၢတၢ်ဖံးတၢ်မၤ(မ့)
တၢ်ကူစါယါဘျါအတၢ်ဂ့ၢ်တဖၣ်အဖီခိၣ်အဃိပဒိၣ်အိး ထီၣ်န့ၢ်ဝဲလံာ်ဟးကီၢ်ဝဲၤဒၢးလၢအသီတဖၣ်,ဖဲအပူၤကွံာ်မုၢ်ဖီဖးအနံၤန့ၣ်လီၤ.

ဖဲအပူၤကွံာ်နံၣ်ပဒိၣ်စးထီၣ်မၤချ့ထီၣ်က့ၤဝဲတၢ်ပတံထီၣ်လံာ်ဟးကီၢ်အကျိၤအကျဲအဃိတၢ်ဒိးန့ၢ်ဘၣ်ဝဲလံာ်ဟးကီၢ်လၢအသီ ၁၀ အတီၢ်ပူၤသ့ဝဲန့ၣ်လီၤ.တၢ်ပတံထီၣ်အလံာ်ကွဲးဒိလၢအအိၣ်ဝဲ ၁၄ ကဘျံးပၤအံၤဘၣ်တၢ်မၤစှၤလီၤကွံာ်အီၤဆူ ၅ ကဘျံး ပၤန့ၣ်လီၤ.ဒီးပှၤပတံထီၣ်လံာ်ဟးကီၢ်သ့ၣ်တဖၣ်တလိၣ်ပာ်ဖျါထီၣ်လံာ်ကွဲးနီၣ်ကွဲးဃါလၢအပာ်ဖျါဝဲတၢ်ဟ့ၣ်လီၤတၢ်ခိတၢ်သွဲလၢလၢပဲှၤပှဲၤအံၤလၢၤဘၣ်န့ၣ်လီၤ.

ပှၤပတံထီၣ်လံာ်ခီကီၢ်ဖဲဝ့ၢ်တကူၣ်အပူၤတဖၣ်ဘၣ်ဟ့ၣ်လီၤဝဲစ့ ၂၀,၀၀၀ ကၠၣ် (အမဲရကၣ်စ့ ၂၀ ဒီလၣ်)ဒီးမ့မ့ၢ်တၢ်ပတံထီၣ် လံာ်ဟးကီၢ်ဖဲတၢ်လီၢ်အဂၤတဖၣ်ဘၣ်ဟ့ၣ်လီၤဝဲစ့ ၂၅,၀၀၀ ကၠၣ်
(အမဲရကၣ်စ့ ၂၅ ဒီလၣ်)ခီဖျိဘၣ်ဟ့ၣ်လီၤအါထီၣ်ဝဲတၢ် လၢာ်ဘူၣ်လၢာ်စ့လၢတၢ်ရဲၣ်တၢ်ကျဲၤအကျိၤအကျဲအဂီၢ်အဃိန့ၣ်လီၤ.လံာ်ဟးကီၢ်အံၤဘၣ်တၢ်သူအီၤန့ၢ်တုၤလၢ ၅ နံၣ်ဒီး မ့မ့ၢ်လၢဂ့ၢ်ဂီၢ်အူ တၢ်ကူစါယါဘျါအဂီၢ်,လံာ်ဟးကီၢ်အံၤတၢ်ကထုးထီၣ်ဟ့ၣ်လီၤဝဲအီၤဖဲလၢ ၃-၅ သီအတီၢ်ပူၤသ့ဝဲန့ၣ်လီၤ.

မီၣ်မီၣ်လ့စံးဘၣ်အ့ၣ်ယၣ်ဝတံၣ်တၢ်ကစီၣ်,“ပှၤကိးဂၤဒဲးလၢအအိၣ်ဒီးထံဖိကီၢ်ဖိအလံာ်အုၣ်သးဒီးဟံၣ်ဖိဃီဖိအလံာ်ခိၣ်ဆၢၣ်စဲးနီၢ်သ့ၣ်တဖၣ်ပတံထီၣ်ဝဲလံာ်ဟးကီၢ်သ့ဝဲန့ၣ်လီၤ. ခဲကနံၣ်အံၤ
ပှၤအါန့ၢ် ၅၀ ဂၤပတံထီၣ်ဝဲလံလံာ်ဟးကီၢ်ဖဲတလၢၤကီၢ်စဲၣ်အ ပူၤန့ၣ်လီၤ.”

ခိၣ်နၢ်လီၢ်လၤဒိၣ်လၢတၢ်ထုးထီၣ်ဟ့ၣ်လီၤကီၢ်ပယီၤလံာ်ဟးကီၢ်အလီၢ်တဂၤစံးဘၣ်အ့ၣ်ယၣ်ဝတံၣ်တၢ်ကစီၣ်လၢဃိာ်ဖိလီၢ် လံၤ,ပၣ်ဃုာ်ဒီးထံရူၢ်ကီၢ်သဲးဃိာ်ဖိတဖၣ်ကဘၣ်ပာ်ဖျါထီၣ်ဝဲလံာ်လဲၢ်အဂၤတဖၣ်အိၣ်ဝဲအဃိအဝဲသ့ၣ်ကဘၣ်အိၣ်ခိးတၢ်အဆၢကတီၢ်ယံာ်ဒိၣ်ဝဲဒၣ်န့ၣ်လီၤ.

ထူထူလွံၣ်,ပှၤဟူးဂဲၤတၢ်ဖိလၢတၢ်ခွဲးတၢ်ယာ်အဂီၢ်တဂၤစံးဝဲလၢပှၤတဖုလၢကဘၣ်ဘျူးလၢတၢ်ဆီၣ်ထွဲမၤစၢၤလံာ်ဟးကီၢ်အကျိၤအကျဲလၢအသီအံၤမ့ၢ်ဝဲပှၤကီၢ်ပယီၤဖိလၢအိၣ်ဒီးတၢ်
တိာ်ကျဲၤလၢကလဲၤဝဲဆူထံဂုၤကီၢ်ဂၤဒ်အမ့ၢ်ပှၤဟးဝ့ၤဝီၤမၤတၢ်တဖၣ်အသိးန့ၣ်လီၤ.

အဝဲစံးဝဲ,“ဖဲလၢအဝဲသ့ၣ်မ့ၢ်အိၣ်ဒီးလံာ်ဟးကီၢ်လၢအစုပူၤလံန့ၣ်ဒီးတၢ်လၢာ်ဘူၣ်လၢာ်စ့တအိၣ်ဝဲအါအါလၢၤဘၣ်န့ၣ်လီၤ. အဝဲ စံးစ့ၢ်ကီးဝဲလၢတချုးလၢအဝဲသ့ၣ်ဟးထီၣ်လၢကီၢ်ပူၤဒံးဘၣ်န့ၣ်ဂ့ၤဒိၣ်လၢအဝဲသ့ၣ်ကလဲၤဝဲဆူဝ့ၢ်တကူၣ်ပူၤဒ်သိးအဝဲသ့ၣ်ကဒိးန့ၢ်ဘၣ်တၢ်ဆီၣ်ထွဲမၤစၢၤဘၣ်ဃးထံဂုၤကီၢ်ဂၤဖိးသဲစးတၢ်ဖံးတၢ်မၤခီဖျိလၢဖိး
သဲစးတၢ်ဖံးတၢ်မၤခၢၣ်စးကရၢသ့ၣ်တဖၣ်အအိၣ်န့ၣ်လီၤ.